أغلقت الدنيا أبوابها في وجهه وأنشد يقول:
الا يالله عفوك لامعي بيجر ولاجوال
ولا عندي وظيفةوالتجارة فاشل فيها
ولاعندي شهادات ولاحرفة تسد الحال
ولا حظ كبير لاأخطت الجرة يقديهـا
مخابي الثوب تومي ما دخلها من زمان ريال
بهـافاتورة الكهرب ولايمديني اقضيها
على ذيك العراوي تتعب الحادي مع الجمال
ثلاث شهور في الورشة وشهرين مغطيـها
ابيها لو تجمل يوم واجلبها على الدلال
يجيها واحد حظة مثل حظي ويشريها
نصيت العسكرية يوم قالوا للنظام رجال
وقدمت الملف وصورة لي كاشخ فيها
خذا الاوراق مني واحد ماعند ابوة ادلال
سلوم الناس واهل المعرفة والطيب مخطيها
قراها في دقيقة والتفت عجل علي وقال
شهادتك العظيمة يا ولد وين انت مخفيهـا
هزيت الراس ماعندي تقول اني من البنقال
وقمت احب خشمة واطلبة باللة تمشيهـا
نطـلها من يدة شين الطبيعة والنبا والفال
وقال ازين تعود صوب نوقاتك تعشيها
تناوشتة من الكرسي وعفت الحال والترحال
وظربتة بالبيالة عقب ما بيحت شاهيها
خذوني للسجن لانيب لا ظا لم ولا محتال
مجرد واحد جاء يكحل عيونة فيعميها
ويوم اني خرجت اقفيت لأرض اللة وسيع الجال
على برن هواة يداوي العلة ويبريها
ادور قصعة الجربوع والضب الفتي يختال
والارنب يا شقاة الروح ما احلاها وطاريها
بلا كهرب ولا بيجر ولا غاز ولا نقال
قوانين الحضـارة لاتبيني ولا ابيهـا
والقصيده هذي للشاعر الاجتماعي والفكاهي الاخ العزيز سعيد الاكلبي