حلى النوتيلاوالكيري.. بسم الله نبدأ اولاً المقادير.. نوتيلآ / بسكوت سمسم / 10حبات جبن كيري / حليب نستله / هيرشي و قوالب cupcake نبدأ العمل.. نوزع القوالب في صينيه المقسمه دوائر ونحط بكل قالب ملعقة من النوتيلا وفوقها حبتين من بسكوت السمسم ملصقينها بمسحة نستله حتى ماتنفتح او تفترق نحط الكيري على حليب النستله بالخلاط حتى تتجانس ونصب منها على الدوائر عندنا مثل ماتشوفون بالصورة انا اختصرتها بصوره وحده.. نوتيلا -بسكوت -الاخير الكيري بالنستله.. الخطوة الأخيره ندخلها بالفريزر حتى تجمد وتتماسك .. وبعد مانطلعها نقلبها ونحط نقطه من الهرشي للتجميل فتصير الطبقه العلوية بنيه والبيضاء تحت.. بالهناء والعافيه.. لاحظوا معي الصورة الاصليه منظرها احلى وباينه تقسيمات القالب فيها بينما انا مابانت معي إذاً فيه خلل وهو اني كثرت النستله فاصبحت الخلطه البيضاء سايله بزياده مع اني تركتها بالفريزر ساعه الاربع . . على فكرة طعم النوتيلا جنان يحق للناس تحبها وتدمن عليها
__________________ "لله دُر أمي إذا ابتسمت تهادت جروح قلبي والتئمت"