اخوي / وميض الفضاء .. حياك الله
أولاً دعواتي الصادقه لك بالتوفيق والنجاح بإذن الله .

ثانياً .. بفيدك بشيء من خبرتي المتواضعه في مجال الاستثمار في ( الـمــولات و البلازات ) طبعاً إستثمار عائلي وأنا أحد المشرفين عليه ( لاتحسبون فتى نجد قاعد على مليارات هههههههه ) المهم :

ـ عندنا 2 مول قائمه و7 بلازات وجانا عروض كثيره جداً جداً بنفس فكرتك وللمعلوميه وصلت النسبه المقدمه لنا منهم إلى 60% ( نقطه مهمه انتبه لها )
ـ في البدايات جربنا كم شركه ولكن دخلنا في اشكالات ماليه معهم لعدم وجود احترافيه في العمل .
ـ جتنا شركه متخصصه واستأجرت منا مول واحد بمبلغ ( 2 مليون وسبعمائة الف ريال ) على اساس هم يحطون شاشاتهم وحنا مالنا اي تدخل في عملهم إلا اننا اتفقنا على مواقع الشاشات داخل المول , وبعد تجربتنا معهم احتمال نوقع معهم عقد لجميع المواقع خصوصاً اننا مقبلين على إنشاء 5 مولات موزعه في المملكة .

اخي الكريم ... اعذرني على صراحتي ولا تعتقد اني اهبط من عزيمتك لأن الله قادر على كل شي , ولكن عشان تكون في الصوره , ترا جميع ملاك المولات هدفهم الاساسي المردود المالي ومن يدفع اكثر , فهل انت مستعد لتحمل مسؤلية عقود بتوقعها مع إدارة المول بمبلغ وقدره ؟؟

على فكره .. بدون ماتتعب نفسك وتسوي تصاميم وفك وتركيب , ترا الشاشات موجوده وجاهزه في الصين وبأشكال خرافيه وروعه لأبعد حد واسعارها بحدود 3000 الى 6000 دولار , حسب المقاس والموديل .

من وجهة نظري .. ابدأ البحث في المولات خارج المدن الرئيسيه يعني ابعد عن ( الرياض - الدمام - الخبر - الظهران - جده ) احتمال تلقى فرصه .

دعواتي لكم بالتوفيق .. وحبيت اكتب لك شي من خبرتي المتواضعه عل وعسى تفيدك في دراسة المشروع .