هههه بالنسبه ل الاجانب اقولكم قصتي الجميله
كنت ادور وظيفه مثلي مثل اي سعودي طامح ل العمل المهم رحت قدمت اوراقي وسويت مقابله مع سعودي كانت الوظائف المتوفره استقبال او حارس امن او اوبريتر على العموم السعودي الي سوا معاي مقابله عجبته وقالي خلاص وش تبي انت قلت له استقبال < بما ان خشتي حلوه واسلوبي عجبهه هههه < على العموم قالي بحولك هناك على المدير ويعطيك كل شي بالتفصيل قلت له اوك ماعندك اشكال مع ان السعودي هو مدير شؤن الموظفين قلت له طيب رحت هناك على اساس بقابل المدير الثاني وبيعلمني على الشغل وكذا دخلت نقعني نص ساعه وهو يتكلم باجوال بس طلع جنسيته سوري قعد سئلني بدال ما يعلمني انا استغربت قلت طيب خلينا على الجو الهادئ من الاسئله الي يسئلني اياها يقولي انت وش الي جابك هنا وكانت طريقته استفزازيه لدرجه احتقاريه المهم اناا قلت له الي جابني رزقي قال ااه وسكت بقهر هههه على العموم بعد ما خلص قالي انا سويت لك مقابله !.. قلت له مقابله !. قال ايه قلت له طيب متى ابدا العمل وكذا قالي ابحطك اوبريتر قلت له انا طلب استقبال قال لا بحطك هناك كم شهر واختبرك وبعدين اشوف اذا تصلح حطيتك استقبال قلت له انا ابغي استقبال اصلا قالي لا وهو معاند قلت له طيب مع الخيل شقرا الي يجي طيب قالي خلاص براجع اوراقك مع المدير هههه حسسني انى مهم قلت له طيب ومتتى بيكون الرد قالي ان شاء الله يوم الثلاثاء جاه يوم الثلاثاء ما جاني اتصال يوم الاربعاء طلعت له ورحت شفته قلت له ما جاني رد قالي المدير ماخذ ايجازه قلت له طيب متى بتردون قالي السبت قلت له طيب انتظرت السبت مافيه اتصال الاحد مافيه اتصال جاه الاثنين رحت له دخلت قالولي ماخذ ايجازه > المهم انا عرفت طبخته وكل ما اكلم السعودي الي جاي من طريقه يقولي انتظر وانتظر انتظر السوري ؟ قلت طيب يعني بالله شوفو القهر تدور رزقك ويجون الاجانب يسون لك من الحبه قبه والي قهرني انه يناظر الدورات الي عندي السوري ويقول اه و اه حسسني جاي باخذ المكتب منه وكان الاستقبال فيه سعودين بعد ثلاث شهور طلعت اشوف الاستقبال كلهم اجانب وين راحو السعودين هذا السؤال ؟ على العموم اتمني يشوفون لهم صرفه ذولي الاجانب اصلا من الاساس لو يطلعون الاجانب اتحدي فيه سعودي يعاني من البطاله وتحاتي لكم وحبيت اذكر معاناتي لكم وفيه غيرها الكثير بس الله يعين وييسسر امورنا