هلا والله ي عالمي فوق حلق فوق ذي عادتك دايم القمة انا مثلك نصراوي حتى النخاع وي ويل حالي من الهوى المهم ي لبى صماصيم قلبك راح اتكلم معك بكل صراحة وواقعية وبدون مجاملة وباذن الله راح افيدك من واقع خبرة وشخص يتمنى لك الخير انت طرحت اهداف وحاب انك تحققها وتوصل لها انا راح اعلق على هذي الاهداف بما تملكه جعبتي الهدف الاول : ايصال صوت الجمهور للادارة . صوت الجمهور واصل للادارة من خلال عدة جهات وهي : البرامج الرياضية , شبكات التواصل الاجتماعي ( تويتر ) الاعلاميين , وايضا من خلال مواقع النادي التي لا تعد ولا تحصى ولو عملت احصائية للمواقع المهتمة بالشأن النصراوي راح تحصلها تتجاوز 10 مواقع وهذا العدد كبير ولها تواجدها بمعنى ان هذا الهدف موجود لدى الجمهور والادارة الهدف الثاني : سد الثغرات ومساعدة النادي من بالاستطلاع الرأي . الهدف الاول يوفر هذا الهدف وايضا هناك استشاريين في النادي من ذوي الاختصاص يعني الهدف هذا موجود لدى الجمهور والادارة الهدف الثالث : شراء التذاكر للمباريات الكبيرة . هناك مجلس جمهور للنادي يقوم بهذا الهدف بمتابعة الادارة وفي حال دعم اي عضو شرف بالتذاكر المجلس يقول بتوزيعها يعني هذا الهدف موجود لدى الجمهور والادارة الهدف الرابع : الطرح الراقي والشكل الجذاب للموقع . لو اخذت لفة على المواقع راح تعرف شيء مهم الزائر والمتابع لا يهمه الشكل حتى لو كان بسيط وطرح راقي يهمه المضمون وشيء اللي مايحصله في مواقع اخرى سوى في هذا الموقع بحيث لو كان طرح الموقع راقي وشكلة جذاب وبدون شيء مميز وخاص بالموقع من مضمون لا يكون هناك تواجد الهدف الخامس : فتح قناة للنادي وشراء المباريات . هذا الهدف غير موجود وهو القناة الفضائية المهتمة بالشأن النصراوي لكن شراء المباريات ونقلها !! هذا الشيء صعب جدا جدا واشبه بالمستحيل لان القناة اللي تشتري حقوق الدوري تكون حصريه لها وبمبالغ توصل للمليار ولا يمكن شراء مباريات لنادي واحد الا في حالة شراء المباريات اعادة ومبالغ ضخمة وبكذا تفقد القناة حصريتها ونادر ماحد يتابع الاعادة الا اذا كانت القناة راح تهتم بتغطية التمارين وهذا يحتاج لفريق عمل من مصور ومخرج واجهزة الخ .. الهدف السادس : فتح قناة على اليوتيوب والبث مباشر . تبث وشو بالضبط اذا كانت بتبث المباريات فهي ماهي ملك للقناة وصعب اي قناة تملك مباريات حصرية لها الا اذا كانت ميزانيتها تفوق النص مليار !! هذا بخصوص الاهداف التي حاب توصلها ومن وجهة نظري ماشوف ان الاهداف راح توصلك لشيء اما بخصوص الحصرية للموقع ماهي بالشيء المهم الموقع الرسمي للنادي القائمين عليه هم من النادي وبعض الاشراف من اصحاب السمو !! اللي حاب اوصله لك هم لو حبوا يوصلون للاهداف وصلوا باسهل الطرق لكن هناك اشياء في الخفى لا يعلم بها الا الخالق !! اما انك حاب تصير عضو شرف وتدعم النادي تقدر تدخل تدخل عالم التجارة في مجال اخر ولا صار عندك دراهم واجد ومانت بحاجتها تدعم النادي يعني مو شرط يكون مجالك رياضي عشان تدعم النادي . هذا اللي حبيت اذكره لك وانصحك فيه والله يوفقك احترامي