السلام عليك ورحمة الله وبركاته

اختي اي مشروع مهما كان مميز وناجح سبب فشله دائماً يكون بسبب قل الدعايه

مشروعك ممتاز لكن تحتاجين اول شي تشرحين طريقة عمل الدروس عن بعد كيف

صوت فقط ام صوت وصوره .؟

وانا اقترح عليك تسوين التالي:

1-عمل موقع الأكتروني يتكون من صفحه او صفحتين فقط
تكتبين فيه نبذه مختصره عن الاشياء الي تقدمينها
والاسعار وطريقة الدروس و اوقاتها و طريقة التواصل معك
وبيكلفك بالكثير 100 ريال لاني اتكلم عن عمل صفحه او صفحتين فقط
لكن بلامكان يكون موقعك اكثر تنوع يعني اذا تبغين تسوينه موقع دعائي لك
وبلاضافه الى موقغ خدمي يخدم الطلاب و الطالبات يعني تنزلين فيه
دروس ملخصات الخ... وبكذا تستفيدين زوار لموقعك ممكن تزيد تكلفة الموقع الى 200 ريال

2- تعملين دعايه لنفسك طباعة كـ بدايه منشوره تحتوى على نفس المعلومات الي حطيتي بالموقع
اسعار طريقة الدروس نبذه عنك وشهاداتك وقدراتك وتحطين طريق التواصل رقم وايميل و رابط الموقع
وتكون المنشورات نوعين ( كبيره - صغيره ) وبقولك دور كل منشوره

3-توزيع المنشورات والنشر بيكون بالطريقه التاليه:
أ-تتجهين للمشاغل النسائيه ووتفقين معهم وضع بعض المنشورات عنهدهم وكل مشغل على حسب شهرته
اذا كبير ومشهور تحطين عدد اكبر من المنشورات الصغيره
ب-تتجهين للمدارس واذا المديره وافقت تنزلين المنشورات عندهم
ج- المنشورات الكبيره
المنشورات الكبيره كل مشغل او مدرسه اذا وافقو تحطين منشورتك الكبيره على البوابه او اي مكان بارز وواضح
هذا هو الدور لمنشوره الكبيره

4-المولات و المحلات الكبيره تتفقين معهم يسمحون لك بوض منشوره كبيره عندهم
وتختارين المكان وتحطينه

5-الدعايه الأكترونيه
تتجهين للمواقع الي يتجه لها الطلاب وتسوين فيها اعلانات طبعاً هذي تعتمد على حسن اختيار الموقع
الي تسوين فيه الاعلان وطبعاً الاعلان مجرد الضغط عليه يتجه الشخص لصفحتك
وبيلقى معلوماتك وعروضك وفي حال اعجبته بيتصل
وطبعاً الاعلانات بتكون بمقابل مالي يختلف من موقع لاخر بعضها 50 ريال وبعضها يوصل 500
لمدة شهر واحد طبعاً

واي استفسارات ثانيه ان شاء الله افيدك اختي والله يرزقك يارب