صباح الخير يَ آل بطاله الكرام << بطاله من كلمة(بطل بمعنى القوه) وليس(بطل بمعنى التعطل) طيب عندي استفسار .. مع مقدمه خفيفه .. لزوم التوضيح والشرح بصراحه انا افكر استثمر ماعندي من مال في انشاء كوفي.. في احد الحدائق العامه والسبب اللي شجعني اني نزلت مع الوالده في حديقه عامه ..فيها مضمار تطلع له امي بين فتره وفتره للمشي وتعرفت فيها على عجايز الاحياء المجاوره وصارت كل ليله تروح تدور عليهم وتمدح امي في الحركه النشطه للحديقه من ناحية عدد زوارها .. وانه ينقصها بعض الخدمات حتى تكتمل .. فقررت ازورها ...وانا امشي واياها في المضمار كانت تقول لي ...شفتي هذي (تشير لسيده سوريه تبسط ببضاعه عصائر وبساكيت والعاب الاطفال من ثلاث سنوات ) بانها اخبرتها بان اقل شي يدخل عليها في اليوم 1000 ريال ..وزاد هذا من فضولي... وبعد ما جلست امي للراحه ..صارت فرصتي اروح لها اشتري منها واتحدث معها ..واخذت جوله على الحديقه بكاملها ..وانبهرت فعلا من كثرة الزوار ..وبعد ما اخذت صوره عامه وانطباع عن الحركه الشرائيه ..قررت بإذن الله بتنفيذ الفكره وهي كوفي يخدم الحديقه ومرتاديها بالذات ان موقعها سيخدم ايضا المارين بها واهالي الحي والاحياء المجاوره ...لعدم وجود كوفي الا على الشوارع الرئيسيه .. وتوته..توته ..خلصت الحتوته بس بقى بعض الاستفسارت.. ومن يعرف فلا يبخل بتوجيهه ونصائحه .. واكون لكم من الشاكرين _اولا.. سمعت أن فتح البوفيه او الكوفي في حدائق البلديات داخل الاحياء تكون برسوم سنويه تدفع للبلديه مو أجار شهري ..فما ادري اذا هذا صحيح أو لا ..! _ ثانيا .. هلا لابد من فتح سجل تجاري او تصريح فقط .. وما هي الجهه المسؤوله عنه ..؟ وهل النساء ممكن انها تزاول هذا النشاط وإلا مومسموح لنا .. واذا فيه روابط تخص هذا الموضوع ياليت تضعونها للاستفاده .. وبارك الله في الجميع ووفقنا لما يحبه ويرضاه ..