اقتباس:
المشاركة الأصلية كتبت بواسطة كالماء
الله يعطيك العافية
بس ليش اقول اني مااعرف احد في البنك ؟ واحد من اخوياي موظف عندهم
طبعاً أكيد انا ماابي الا اتوظف بفرع خدمة عملاء مابي لا مولات ولا شي
طيب كيف تدريبهم ؟ وهل يحطوني بنفس المدينة اللي ساكن فيها والا حسب الشاغر ؟
وهل فيه عقد لو جاتني وظيفة ومابي اكمل معهم عادي أقدر
|
تقولهم ماتعرف احد ليش؟
عشان ما يرمونك في الشرق وهو في الغرب هذا اذا قبلوك مدري خايفين من مسألة تآمر او شي
بعدين سالفة المول او فرع مو انت تقررها هم يحطوك امام الامر الواقع وانت وحظك
-
التدريب 20 يوم في الرياض او جدة تاخذ فيها 10000ريال يعني يوميتك 500 ريال يعني الدوره فله ودراهم
يحطوك في مدينتك اذا فيه مكان لك والا مابيدك الا تصبر على المدينه اللي بيحطونك فيها
اكيد العقد نسختين وحده عندك والثانيه لهم
اذا حصلت وظيفه ثانيه افضل وتبغى تترك البنك عادي حقك
تكلم مديرك يخلص اوراقك وترفعها للادارة
في الاوراق نقطه عن شهر الإخطار هل تبغى تشتغل فيه والا تطلب اعفاء
وعلى حسب مزاجهم يقررون
انا اعفوني منه والحمدلله
واللي يسأل عن التقديم
عبي السيرة الذاتيه وسوي تقديم على الوظائف المعلنه في موقعهم
اللي في ابهى اعتقد انه في المفتاحه
مقابل البنك الاهلي اذا تقدر تعطيهم يد بيد+تسجل في الموقع يكون افضل واضمن