السلام عليكم ورحمة الله وبركاته
مدري إذا في أحد مثلي ولا وش الموضوع بصراحة
قدمت على المقطوعة من بداية شهر 11 ذوي القعدة وقالت الموظفة ماراح تنزل قبل 6 شهور فما فوق وآمنا بقضاء الله وقدره
ولما دخلت موقع الضمان وادخلت رقم الهوية طلع اني استلمها في شهر 10 يعني أكون تعديت أكثر من سنتين من أخذت المقطوعة الأولى وبعد مدة يمكن شهرين شيكت طلع انها راح تصرف في شهر 8 وصراحة فرحت قلت الحمدلله تقدمت شوي ولو انها برضو بعيدة لكن الله يعين
وبعد مدة مدري كم شيكت مكتوب موعد الصرف شهر 4 وكنت انتظره بفارغ الصبر ومخططة وش احتياجاتي المهمة اللي بأنجزها بمبلغ المقطوعة
ولما جا شهر 4 وسحبت فلوس الضمان ال 800 اللي يادوب تكفي مالقيت فلوس المقطوعة وهي مفروض تنصرف هالشهر
سألت وحدة استلمت مقطوعتها من شهرين او ثلاث رغم انها قدمتي قبلي بشهر واحد قالت المقطوعة نزلت في نفس وقت نزول الضمان المعتاد
ومن كم يوم اشيك على الموقع اتفاجأ ان لما احاول ادخل على استعلام توقع صرف المقطوعة يطلع لي (الرقم السجل المدني المدخل غير مسجل لطلب الخدمة) مع اني من قدمت وأنا اشيك وهو تمام مافيه أي مشكلة
ودخلت على الاستعلام العام ماصار يطلع لي مراجع ولا اي شي يطلع كلمة قائم المقطوعة
وادخل على استعلام عن مساعدة المقطوعة المستثناة اللي كانت مكتوب فيها الحالة مراجع لقيت مكتوب غير مشمول في البرنامج
ودخلت على استعلام الرصيد طلع 38 ريال اللي بقيت لما سحبت فلوس الضمان اول الشهر مدري من وين جت هذي الكسور
انصصصصدمت كيف مو مشمولة مافي شرط مو منطبق علي وعلى اساس مقبولة وخلاص راح تنصرف هالشهر
ممكن أحد يفهمني وش السالفة تكفون