اقتباس:
المشاركة الأصلية كتبت بواسطة محتار في الاسم
مشكورين على الردود
بروح اليوم العصر اشوف واجس
النبض بس تتوقعون لازم راس مال
وبعدين هو بكيفي ادخل اللي ابي
مثل برامج واكسسوارات واجهزة
مستخدة وجديدة والا لازم
نشاط محدد
|
اذا معك 4000 او 3000 ريال هذي تكفيك راس مال
ايجار الكاونتر او الكشك يختلف من مكان لمكان يعني اللي في المقدمة غالي واللي في النص ارخص واللي في الاخير ارخص بكثير , وعموما الايجار من 500 الى 2000 واللي قدام يوصل 5000 في الشهر .. بس انت خذ المكان اللي بالوسط افضل اذا كنت بتبيع جوالات , واذا اكسسوارات وبرامج خذ اللي في الاخير - هذا بالنسبة للمرسلات ,
والمجمعات الثانية مثل الروضة والفارسي وغيرها على ما اعتقد انها ايجار محل صغير , بس مدري بكم .. افضل تروح وتسأل
والجوالات اذا تبيها جديد تاخذها من الموزعين بالاجل وتبيعها بربح لك وترد له حقه .. واذا تبي مستعمل تقدر تشتري مستعمل من الناس وتبيع بربح ويكون شغلك مستعمل وجديد ,
وعلى كيفك اختار اللي تبي تبيع او تركب برامج او صيانة اللي يريحك , أهم شيء توكل على الله
هالاجانب كانو يجون لا راس مال ولا نظام ولا شيء وجالسين وربحانين ,
وهي ساعة صدر اللي دوامه حكومي او خاص ينتهي الساعة 3 يبدأ من 5 - 10 الليل ويتسبب ويترزق الله فوق راتبه .. والمحلات تسكر 11
وأنت انزل بشكل يومي لمدة اسبوع للسوق وشف وأسأل وادرس السوق وبتعرف الصغيرة والكبيرة
الله يوفقك والجميع