اقتباس: المشاركة الأصلية كتبت بواسطة عبدالعزيزاحممد السلام عليكم ورحمه الله وبركااته يمكن ما عرفت اختار موضوع للي انا ابيه واعرف الموضوع مكرر من اعضاء كثير لان المشروع هذا لو استغليناه بيطلع دراهم عندي كم استفسار واتمنى الافاده وعشان يستفيدوا قارئين الموضوع مستقبلا الفكره بسيطه جدا وهي : شراء تريلا وتأجيرها على شركه نقل جدا حلوه الفكره وانصحك فيها بشده انا حاليا اعمل في شركه ومثل مايقول المثل (اللي يعيش على المعاش مايعيش) افكر بقرض وقد طرحت الفكره على اخوي وقال بيساعدني فيها >> يقص قصه حياته اللي ابي استفسر عنه هو التالي : 1- أفضل أنواع روس التريلات وأسعارها وأفضل أماكن بيعها افضل شي الاكتروس طبعا وبما انك مبتدئ انصحك تاخذ لك اكتروس مرسيدس موديل 2000-2003 اول شي السعر يكون مناسب وثاني شي عشان لو اعطيته لشركه عادي للكرف لكن لو جديد حرام والشركه ماترحمه وتهلكه جدا وخاصه اذا قلاب اماكن البيع شوف موقع حراج فيه عروض حلوه جدا افضل من المعارض اللي اسعارهم في السما ولو تقدر تروح الاردن المنطقه الحره تاخذ لك 2005 بسعر 125 تقريبا يعني بصراحه اسعارهم حلوه ونظيفه جدا 2- افضل واربح نوع موجود (سطحه , جوانب , قلاب , الخ ) السطحه والجوانب حلوه ولو تشغلها في البرسيم والاعلاف بتعين خير القلاب فيه فلوس ومكسب حلو وخاصه لو شركه لكن الله يخلف عليك في الراس المكسب بيروح كله صيانه وتصليح الشركات ماترحم وبتطلع قيمة الايجار من ظهره انا بالنسبه لي شغال سطحه وجوانب 3- كم الموديل المطلوب لدى شركات النقل (كلمت رجال يشتغل نفس المجال وقال حرام تجيب تريلا فوق 2002 وتعطيها سواق) << رايكم ف كلامه ماعندي خلفيه وتختلف الشركات في طلباتها 4- افضل جنسيه للسواق واشوف يمدحون الهندي << شرايكم الهندي والفلبيني والاندنوسي افضل شي لمحافظتهم على الراس 5- كم راتب السواق السواق ياخذ راتب ثابت مثلا 2000 ريال وعلى كل مشوار ياخذ من 100- 200 ريال وبكذا تضمن ان السواق مايوقف شغل 6- اسماء بعض شركات النقل في الشرقيه وافضلها من ناحيه سعر الايجار الشهري او العقد 7- كم سعر الايجار المتوقع حصولي عليه (اعرف ان كل شركه ولها اسعارها بس ابي توقعات) وابي اي معلومه انا م اعرفها وغيري يعرفها في المنتدى افيدوني بارك الله فيكم انت اسال وحنا نفيدك باللي نعرفه وكلنا نكمل بعض ونساعد بعض واذا تبي ترتاح وتشتغل صح خلك على السطحه والتيدر عشان ترتاح من الصيانه والخرابات اعتذر للاطاله بس اخوكم غشيم ف هالشغلات اي خدمات ابشر تحت الخدمه