يمكن تعليقي قاسي شويه بس صدقيني عشانك لازم تحددين لك هدف مو تمشين ورى العواطف والاحلام والاماني

اللي قاسمه لك ربك بتحصلينه بأذن الله

بس انتي حطي لك هدف وش تهوين وش تقدرين تسوينه وش اللي ممكن تنجحين فيه

وبعدين ركزي عليه وشوفي وين ممكن توصلين وأحذرك تدخلين الخوف والقلق في نفسك

او من الكلام السلبي مثلا لو خسرت وش اسوي طيب لو ماجاء احد واشترى مني طيب ممكن تروح فلوسي

لا بصبر لين احصل مشروع ناجح مليون بالمية
لا خايفه بعدين الحين مو مستعده ومن الخرابيط

كل اللي نجحوا اقدموا على خطوة وبعدها خطوه حتى اصبح يعرف سر التجارة الاسرار الغموض النتائج الطرق

اشياء تطلع له وهو ماكان اصلا راح يعرفها لو ما اقدم على العمل والاصرار عليه وصدقيني راح مخك يتفتح وتحقرين نفسك في السابق وتقولين كيف انا كنت مضيعه عمري بالخوف وحاشرة عمري بزاوية من زوايا البيت

اتمنى لك التوفيق والسداد والرزق الحلال

ونقطة مهمة لاتنظرين الى المحبطين ابدا ولا تنتظرين منهم اشاده او اعجاب ولاتخبريهم بكل شئ

كتبت على عجاله ويمقن خربطت والا شئ والسموحه