عدنا لكم من جديد ونكمل ما توقفنا عندهـ .:~ ومن جدهـ أقرب طيارة وعلى ماليزيا وأحلى 10 أيام ومن ماليزيا أقرب طيارة على إندونيسيا وأحلى 7 أيام ومن اندونيسيا على السعودية 3 أيام فقط ومن السعودية على مصر 10 ايام وبعدها رجعت على ينبع <<< خلاص تعبت من السفر ورجعت على دوامي وقالوا للأسف نزل قرار فصلك على طول قلت في نفسي " قدر الله وماشاء فعل " ورجعت البيت وجلست أفكر لمدة أسبوع كامل إيش بسوي هل أدور على وظيفة أم أشتغل أعمال حرهـ وبعد تفكير عميق ومشاورات أستقريت على الأعمال الحرة وعلى طول شغلت سيارتي وعلى البلدية وإستأجرت بسطة في سوق الخضار طبعاُ وقفت سيارتي الأوريون <<< خلاص صارت للسفريات فقط وشغلت سيارتي الهايلكس وركبت عليها شد "شبك " بإرتفاع 1.5 متر << خباله زايدهـ وبديت أشتغل بالخضار أسافر إلى تبوك وأنزل بينبع وأروح جدهـ وأنزل على ينبع والحمد لله إشتغلت زي الحلاة والله يإخوان إن في شهر واحد صافي ربحي 15.000 ريال من الخضار إستمريت على هذا الحال مدة شهرين لوحدي وبعد كذا جبت عامل وقلت له يلا إمسك البسطة وعيش مع نفسك وصرت أنا أتابع فقط يعني اجي أشوف كم باع في اليوم وأخذ الفلوس وأخلي معاهـ مبلغ بسيط عشان ينزل من الموزعين وبطلت أسافر أجيب خضرة صارت هي تجيني إلى حدي وبعد كذا نزلت على ديرتي وأهتميت بمحلي " السوبر ماركت " <<< كنت ناسي وضعه بحكم إني بعيد عن الديرة بس كنت أرجع له وقت ما ابي 500 أو 1000 ريال أتصل ويحولي العامل ولما رجعت للديرة إكتشفت اني مغفل كبير إكتشف إن محلي في اليوم الواحد ماشاء الله تبارك الله يدخل 3000 ريال والعمال كانوا يقولي والله مافي شغل وعلى طول أسرع تذكرتين للعمال وعلى بلادهم وجبت عامل جديد طازه + موظف سعودي + ووسعت المحل + وونظفته من وساخة الهنود وصارت يومياً تنزل بحسابي 500 ريال من السوبر ماركت "ماشاء الله " طبعاُ السعودي الموظف : ماشاء الله أمين جداُ ونفس الوقت محاسب "الله يستر عليه " وبعد ما ضبط أمور السوبر ماركت والحمد لله .:~ بديت أشتغل في السمك وجيت هنا وفكيت الشد " الشبك " من الهايلكس وركبت ثلاجه فيبر على الهايلكس وصرت أخذ سمك من ينبع وأوديه جدهـ والبيع فوري يعني أروح جدهـ أنزل السمك وأخذ فلوسي وأرجع طبعاُ في السفره الواحدهـ لأ يقل صافي ربحي من 1500 ريال والحمد لله وضبط لي جدول بخصوص السمك وصرت أسافر في الشهر 4 مرات فقط كل يوم أربعاء أسافر الى جدهـ والخميس أرجع ينبع وبعد كذا ياخوان إشتريت سيارة صغيرهـ موديل 2007 وإستقدمت على سائق خاص وبالفعل في اقل من شهر وهو عندي وضبط له غرفة مع العامل حق الخضرة وطلعت له رخصة وسلمت له السيارة الصغيرة طبعاُ الإتفاق من البداية مع السائق راتبه 1200 ريال + السكن المهم الكل يسأل وش عنده ذا مع السواق أنا أقولكم بحكم سكني في ينبع إكتشفت انها ينقصها هذا الشئ وهو السائقين <<< يحب يكتشف هذا الشخص وبالفعل علمته على شوارع ينبع ونزلت له كم اعلان بالنت " دعاية " وصار ماشاء الله في اليوم الواحد يدخل من المشاوير الخاصة لأ يقل عن 300 ريال فـ من هنا غيرت سياسة الراتب عشان لا يسرقني ولا أضلمه بتعبه جيته وقلت له يابن الحلال ايش رأيك يابابا تجيب لي كل يوم على البيت 200 ريال وإنت تأخذ الباقي وعلى طول الهندي من غير ما يفكر واااااافق لأن بكذا هو صار دخله الشهري حوالي 3000 ريال وأنا صرت كسبان 6000 ريال من السائق وبعد ما تطمنت على السائق وكل شئ تمام التمام وبعدها كنت جالس اتصفح هذا المنتدى ووجدت موضوع عن " فقاسة البيض " والله يا إخوان على طوول شغلت سيارتي وطلعت على جدهـ وإشتريت فقاسة سعه 500 بيضة من كيلو 11 بـ 750 ريال وجبتها في البيت عندي وإشتريت بيض لها وحطيتها في غرفة فاضية عندي وصرت أقرأ عن الفقاسة وكيف ألية تشغيلها وكل هذه الحركات وبعد 21 يوم يوم فقس البيض وطلعوا عندي 433 كتكوته "صوص " وعلى طول سويت إعلان على النت وبعت الجوز بـ 4 ريال وكان الناتج : 866 ريال يعني جبت راس مالي بأقل من شهر وبعد ما شفت الطب كثير على الصوص البلدي بالذات سافرت على الديرة وكان عندنا حوش فاضي وفيه غرفة فاضية كبيرة ونظفته وجبت له عامل الشهر بـ 300 ريال << راتبه لأنه يجي باليوم 20 دقيقية فقط وعلى طوول شغلت الهايلكس وعلى جدهـ وإشتريت 4 فقاسات أخرى بسعه 1000 بيضة لكل وحدهـ ونزلتهم على الديرة وحطيتهم بالغرفة وحطيت فيها بيض بلدي ومهمة العامل هي انه يجي كل يوم يقلب البيض ويشيك على الحرارة ويشيك على الماء والحمد لله صار عندي دخل إضافي يزيد عن الـ 9000 ريال من الفقاسات وبعد كذا !!!!! صار عندي مشكلة بسيطة وهي الفرااااااااااااااااااااااااااااغ فـ على طوووول بديت أبحث عن وظيفة مو عشان الراااتب لأ والله عشان أقضي وقتي فيها وبالفعل " الله رزقني وظيفة في الهيئة الملكية بينبع" براتب 8655 ريال << إذكروا الله يا إخوان والحمد لله حياتي ماشية بأحسن الاحوال وأدعوا الله سبحانه بأن لأ يحرمنا من فضله وأن يرزقكم من واسع رزقه .:~ ~.:النهــــــــــــــــــــــــــــــــــــايـــــ ــــــــــــــــــــــــــــــة.:~ وإسمحوا لي يا إخواني أن أسدح لكم مقتطفات قصيرة من الموضوع : 1- لأ تفقد الأمل بالله . 2- لأ تجعل أي شئ بحياتك يقف أمام طريقك مهما كان . 3- لأ تخاف من التجارة وحاول قد ما تقدر أن تبدأ من الصفر . 4- حاول تتعلم كل شئ أمامك . 5- لأ تفكر في أكثر من مشروع من غير وزن الأمور . (( يعني مو تروح تفتح سوبر ماركت وتتركه وتروح تشتغل بالخضار وتروح تشتغل بالسمك وتتركه )) حاول تأمن كل مشروع وتسوي لك جدول لكل شئ يخص مشاريعك وكون دائماً متابع مشروعك بنفسك 6- إمسح كلمة "" أستحي " أخاف أخسر "" من قاموووسك نهائياُ . 7- لأ تستهين بالمشاريع الصغيرة أبدأ حتى لو كانت ذو دخل 10 أو 20 أو 50 ريال باليوم الواحد . هذا وصلى الله وسلم على سيدنا محمد عليه أفضل خلق الله .:~ وسامحوني على التأخير في سرد القصة والزبدهـ من هذا الموضوع: إني كنت في شركة مرتاح وأخذ مميزات محد يحلم بها وبعدها صرت موظف عادي وبعدها حارس أمن وبعدها بائع خضار وبعدها بائع سمك وبعدها أبيع كتاكيت والأن موظف بمرتبه حلوة و بيزنيس مان صغيرون وإنتظروني قريباً بموضوع أخر أتمنى للجميع التوفيق من رب العالمين .:~ وأي أستفسار أو إستشارة أنا حاضر أخوكم الصغير : .:.دمعة مهاجر.:~