الله يجزاه خير فعلا كلامه زين ونصحه مايجرح،،، ذكرني بامام المسجد بالحارة عندنا وكانوا فيه اثنين اصحاب الله يثبتهم ويسهل امرهم يتناقشون هل صلاة البيت تجوز او لا؟؟ المهم بغت تقوم مضاربة بينهم من قوة العناد والتمسك بالراي ،،،، الادقايق ومعدي الامام من جمبنا سلام وكيف الحال وايش الاخبار المهم واحد منهم لسانه ياكله الا يسال الشيخ وقاله ياشيخ صديقي ذا يصلي بالببيت ويقول انها تجوز والمسجد جمبه،،، كم خطوة ويوصل،،،
الشيخ قال للسائل ايه يجوز اكيد مافيها شي!!!
صاحبنا فتح فمه وقال ياشيخ يرحم امك متراهنين ولنا ساعه نفحط بالسالفة وتقولي يجوز؟؟؟ الشيخ قال اسكت انت معندك علم لاتتفلسف ايه يجوز وعساه احسن منك عند ربك،، المهم الثاني انحرج واستاذن وراح البيت ،، وبقى الشيخ والملقوف يسولفون قال ياشيخ من جدك انت انه يجوز؟؟ قال ايه بس بحالات معينه تعب ومرض والمشقة والعجز وغيرها من امور دينية ،،، المهم قال صاحبي مافيه الا كل خير،،، قال ادري بس تعمدت اقول كذا لانه لو حافظ على صلاته بالبيت بعد فترة تلقائيا راح يحس بالراحة والايمان وراح يندفع ويتحمس للصلاة جماعة مع الناس يعني خطوة خطوة مو لازم من اول شي تبيه يترك كل شي ويتغير كذا راح ينضغط ويمكن يمل ويرجع لحالته المهم مرت الايام والايام مرت وصاحبنا صار من اول الصفوف واخر الطالعين ،،،، وصدق توقع الشيخ وحكمته والرجال قابل صديقه وقاله وش صار بعد مارح عنهم وقاله عن الحوار اللي صار عسا الله يديم صداقتهم ويحفظ الشيخ ويسعده ويثبتنا ،،، فمان الله
والف شكر وجزاك الله خير ياصاحب الموضوع