السلام عليكم ورحمة الله وبركاته
بعد نظام العمل الجديد على المحلات
عرض علي حلاق هندي يريد ينقل على كفالتي وهم ثنين حلاقين في محل واحد وكفيلهم يبي فرقاهم بعد نظام العمل الجديد السبب عنده عمال واجد
والكفيل بيتنازل لي بالمحل بدون مقابل مادي والأجار باقي فيه 5شهور والهندي بسدد الاجار والاغراض الي بالمحل من كرسي وكل شي للهندي ومالك المحل العقار بجدد معي سنتين للقدام وبيدفعها الهندي والمحل عليه زباين كثير وانا علي الاسم فقط
ويمكن افزع معه بكرسي لان الكراسي الي عنده قديمه اشوي مايصلح اروح يدي فاضيه هههههه يقول الهندي بيعطيني 1000 كل شهر
بس عندي مشكله في واحد ثقه واعدني بوظيفه خلال الشهرين القادمه مدري لو انقلو على كفالتي هل تأثر على الوظيفه يعني مقدر اتوظف الا لازم انقلهم على كفالة شخص ثاني ولا عادي اتوظف ثم ادور لهم كفيل ثاني
لو انقلهم على كفالة امي يصلح ولا مايصلح امي عندها خياط بأسمها وفيه عامل هندي واحد هل لازم توظف سعودي ليه مهيب سعوديه الكفيله هههههههه
والحل الثالث عندي اخت عمرها فوق العشرين مخلصه دراسه وجالسه مايصلح احط المحل بأسمها ولا لازم سعودي ههههههههه سعودي
(الدول العربيه تفكر كل سعودي عنده برميل نفط مادرو ان عنده هموم وضيقه ومستشفيات واسطه خلونا ساكتين طفشنا من كل شي هاذي اخرتها الهندي يوظف السعودي ويعطيه الف ريال والهندي عارف اني مقدر اخونه مثل اصقعه خروج نهائي بعد نقل كفالته علي وجيب واحد ثاني وبيعه الفيزه وشغله في المحل وخليه يمشي لي راتب بعد أعلى من الهندي الأول بس الحمدالله الواحد مايحب ياكل حرام اكيد بتقولون الألف الي بتاخذها حرام احتدينا على هاذا الشي وبسأل بعد مشايخ اشوف وش يقولون وانا في محافظه مافيها شركات خاصه توظفنا مافيه الا المستشفى فيها شركه رواتبهم 1500 وبعد لازم واسطه بعد المفروض ان الدوله تلتفت لهم رواتبهم رواتب عمال نظافه الشركات في الرياض ماتقل عن 3000 ريال
افيدوني هل اقدر انقلهم ؟! وكيف الطريقه !!