لاحول ولاقوة إلا بالله
الله لايحوجنا لهذي الوظايف ولا لغيرها..بس النار ماتحرق إلا رجل واطيها واللي ياكل الضرب مو زي اللي يعده
حنا شاطرين في التنظير والتعليق والاعتراضات لكن الحلول ماعندنا..!!
يعني الحريم اشتغلوا في هالمحلات طرب..والا تضييع وقت..!!
هذي الفرص اللي لقوها قدامهم..مو أرحم من المذله وسؤال الناس
كأن الوظايف مسطرة قدامها وهي اللي تختار..!!
مافيه وحدة تلجأ للعمل في هذي المحلات إلا بعد ماذاقت المُر..وما أحد يمها
يشتغلون براتب 1500 و2000 وأقل ويوقفون طول الوقت على رجولهم..ليش؟؟
يستعرضون ..!! والا جايين يشمون هواء..!!
فيه ناس فاتحين بيوت ويصرفون على عوايل من ورا هالشغلات..حتى لو الرواتب طفسة
هذا اللي لقوه ..وفوق هذا نناقرهم عليها..وننطالب بإنها تتوقف عن العمل
المشايخ لهم الحق في إنهم يحطون الضوابط اللي تحفظ كرامة المرأة وتبعدها عن الذل
ويتركونها تشتغل وتغني نفسها..لأن ما حد بينفعها ولا بيصرف عليها
مو يعترضون على عملها في المحلات ويسيبون الوضع على ماهو عليه..
ما شفنا أحد اعترض على بيع الحريم في بسطات على الأرصفة..!!
ولا على شحططتهم في المحاكم القضية تتعلق سنين لما يجي القاضي الفلاني..
ولا على الآباء اللي يرمون عيالهم بالشوارع وتبلش فيهم الأم..!!
الخلاصة
المرأة ماتلجأ لهذي الوظيفة إلا بعد ماتتقفل كل الأبواب في وجهها..يفتحون هالأبواب لها ويشوفون هذاك الوقت يحصلون وحدة واقفه تبيع في المحلات والا لا..؟؟!!