عاااااجل
13 رجب 1434 هـ - 2013/05/23 م
انسرقت العربية
توي جاي من السوق ..رحت بعد الفجر مباشرة متحمس
وألقاها مسروقة رحت ألف بحراج المعاشق والله لو لقيته بتصير سااالفة
بالله عليكم فيه عاقل يسرق سيارة ويروح يتكّس عليها (مشاوير يعني)؟
أكيد لا لأن الفلوس حرام طيب تسرق عربية وتشتغل عليها نفس الموضوع
عموماً بالبداية كنت معصب ودعيت على من سرق لكن تراجعت بعد ساعة
واقول إن كانه محتاج حلال عليه وفلوسها حلال عليه لكن إن كان
حرامي يسرق ويبيع العربيات الله لا يحلله ولا يبيحه .. وعقبال نمسكه
ونربطه على مدخل السوق مثل أبو حصين ههههههه
الحمد لله النفس طيّبة ..صحيح راح راس المال (خف علينا يالراجحي)
لكن تذكرت إن الفشل بداية النجاح وسلّمت أمري بخصوص من يسأل
عن الذهب الأحمر يا هووو البصل معقولة ما تعرفون الذهب الأحمر !!
شرف لي حضوركم ودعواتكم والله ترد الروووح لبى قلوبكم واحد واحد
وبإذن الله هذا الموضوع راح يكون متجدد وأعطيكم المستجدات حتى
أوصل للمليون وبعدها لازم تعذروني راح أكون مشغول في جزر الباهاما
حتى أكون صريح والله ما معي حالياً غير 52 ريال فقط لا غير
لكن معي اللي أفضل منها 1- رب العالمين 2- حسن الظن برب العالمين
3- طموح وهمة 4- أم على قيد الحياة 5- قاعدة رزق مجهول خير من رزق
معلوم .. وهذي تقوي التوكل بالله .. اسرائيل حاصرت غزة وجوّعت أهلها
ومنعوا الصيد لأسباب أمنية .. حدث ما لم يكن في الحسبان والله العظيم
جاءت الأسماك تقفز الى الشاطئ ترمي بنفسها واللي مو مصدق
يسأل ويبحث في قوقل الخبر قريب والله طلع صحيح