السلام عليكم

بما اني تخرجة ولا انا حابة جلسة البيت ابدااااً مع اني متزوجة وعندي بنت
بس احب الشغل و بعد محاولات فاشلة مع المدارس الاهلية مادري مايبون تخصصي ولا ايش
( اقتصاد منزلي ) الي هو بالمسمى الحديث تربية اسرية << هذي من مشكلات البطالة الهذرة الزايدة

حبيت استاجر كشك في جامعة من جامعات الرياض ماحددت لان اخاف تكون في جامعة عسسرين وجامعة لا ف ابي تفيدووني بخصوص كذا ؟!و ماني عارفة الانظمة والتكلفة من ناحية الايجار ؟!
وخاصة اني بطبخ شخصياً وانا مثل ماقلت لحااالي والعاملات هل وحدة تكفي ؟! و فلبينية ولا سعودية افضل؟!
وراتب العاملة كم ؟! ابي احد يساعدني بدراسة المشروع انا حضرت قائمة بالوجبات الي بقدمها والادوات الي بحتاجها بالكشك من ناحية مايكرويف ثلاجة المشروبات الصغيرة وغيررة هذوول انا مسجلتهم على ورق وبروح اسعر ان شاء الله
وهل في محلات تبيع الادوات الكهربائية بسعر رخيص ؟!لان انا ماعرف الا ساكوو و اكسترا والمحلات الي كذا
ومحلات الجملة للمواد الغذائية ياليت تفيدووني فيها بصراحة جديدة على الرياض
ابغى التكلفة الكاملة للمشرووع وهل احتاج دخل اضافي غير راس المال لدعم المشروع ولا هو يدعم نفسة بنفسة ؟!
وممكن اختار موقع محدد بالجامعة ولا يكونون جاهزات في اماكن محددة ؟!
وايش المكان الى اروح له لو خلاص قررت استاجر ؟!


ادري اسئلتي كثيرة بس مالقيت لها اجابات وتوقعت الامتاكدة بلاقي الاجابة عندكم

يارب احد يجاوبني لاني مرررره متحمسسة له

الله يسعد الجميع