فعلاً دائما تصير... الحسدة كثير والله المستعان، بل إن أحد أصدقائي سرقت منه فكرة مشروعه من قبل أحد موظفي الصندوق الذي رفض تمويله وتفاجأ بعد فترة بنفس أفكاره منفذة على أرض الواقع، وعندما سأل عن صاحب المشروع وجده أحد أقارب موظف البنك ..
شيء يغبن فعلاً ولكن خل ثقتك بربك كبيرة، واللي جابها يجيب أحسن منها، لا تتحطم وتقفل مخك وخلاص، بالعكس إنت الحين تأكدت أن تفكيرك سليم ومخك فنان وإنك ماشي عالطريق الصح .. طور هالافكار وتعمق فيها وحاول تدونها عندك في دفتر خاص تحطه تحت مخدتك ما يقربه أحد حتى أهلك ! واحتفظ بها واكتب وزد ودون كل يوم لحد ما يتوفر لك الشريك الثقة أو الدعم من قبل أي جهة، ولا تشارك أفكارك لأي مخلوق كان إلا بعد دفع عربون غير قابل للاسترداد يضمن لك حقك (اللي أول شرط آخره نور) وبرضه لا تعطيهم سوى رؤوس أقلام نبذة مختصرة وقول اللي حاب يبدأ معي بسم الله يدفع دفعة مقدمة علشان أبدأ، يعني خطط للتمويل اللي بتحصل عليه كدفعات برضه يرتاح الممول إنه ما بيدفع المبلغ كامل دفعة وحدة ويحس انك ملم بالمشروع وفاهم، وانت نفس الشي تكسب الثقة وتتأكد انه صامل وبعدها إبدا التنفيذ برضه على خطوات، يعني المسألة تخطيط بعد ما تتكون فكرة المشروع براسك ابدأ جزئ التنفيذ على مراحل كل مرحلة كم تكلف وهكذا، ماهو ضروري يعطونك المبلغ كامل وتروح تنفذ مرة وحدة برضه حتى المستثمر من حقة يخاف على فلوسه وانك ما بتشيلها وتشرد.

وفقك الله ورزقنا وإياك من حيث لا نحتسب وأغناك من واسع فضله