اقتباس:
المشاركة الأصلية كتبت بواسطة ام ابراااااهيم
بنات مافي تعليق
|
اكيد مافي تعليق ... وش تبينهم يقولون لك ؟! .. نروح نشتكي مثلا ؟ والا نتظلم ديوان المظالم عند ديوان المظالم نفسه ؟ .. مايصير كذا تراكم اتعبتوا نفسياتنا .. وخليني اقولك شغلة يمكن راح ابسطك بها ..
أنا قبل يومين وتحديدا يووم الاحد تصفحت سحيفة سبق ولقيت كلمة بمناسبة اليوم الوطني من معالي الشيخ عبدالعزيز النصار رئيس ديوان المظالم ، ومن ضمن الكلام اللي تكلمه أنه تم فتح فرعين لديوان المظالم بتبوك والباحة وبكذا صار عدد فروع ديوان المظالم 14 فرع يعني 14 منطقة في كل منطقة محكمتين استئنافية وادارية وقبل نهاية العام راح يتم فتح فرع عسير ويصيروا 15 فرع كلها تضم قسم نسائي مستقل ..
ايش معنى الكلام ذا ؟!! .. معناته ان خبر الـ 60 وظيفة مو اكيد هو كان مبدئيا الين تنتشر فروع الديوان وكل ما انتشرت اكثر زاد الاحتياج اكثر .. فلا تقعدي تفكري وعليك بسهام الليل ادعي ربك اللي بيده رزقك وابتعدي عن حساب الارقام لانه بيتعبك اكثر .
وفي شغلة ثانية كمان يمكن تبسطك .. على كلام الاخ عركوش وهو أحد اعضاء لجان المقابلة بالرياض سألته عن مصير اللي يجتازون المقابلة من المرشحات بس ما ساعدتهم نقاطهم في التعيين مع الدفعة الاولى وش بيكون مصيرهم ؟ .. قال راح يتعينون بس على فترات ... وبالضبط هذا ما حصل مع وظايف الرجال .
لذلك عزيزتي ام ابراهيم .. تفاءلي بالخير وان شاء الله انك من المقبولات ولو ما كنت متعينة مع الدفعة الاولى راح تكوني مع الثانية او الثالثة ان شاء الله ... عليك بصلاة الليل وبينك وبين ربك ادعيه وناجيه وتوسلي اليه وصدقيني راح يختار لك الخيرة الطيبة ...
ومن وجهة نظري الى الان الامور طيبة ومطمئنة بديوان المظالم ... القي نظرة على تجمع متقدمات وزارة العمل .. صدقيني بترتاحين .
على فكرة ... انا خريجة لي عشر سنوات ... تخيلي لما يكون لك عشر سنوات تبحثين لك عن مكان في القطاع الحكومي وما تلقين ... وبرغم ذلك مافقدت الامل بالله ... فلا تتأملي بأحد او ارقام .. خلي املك برب العاملين ولن يخيب لك رجا ان شاء الله .