مو بالضرورة تعرف ادق التفاصيل فبعض المشاريع تكون خسرانه بعد طول النجاح وطول خبرة اصحابها لكنها صارت مستهلكه وبعض المشاريع الجديده الي مالها خبره تكون ناجحه بسبب توجه الناس لمنتجاتها

اذكر واحد من مشاريع معالينا الكريم << ارحمنا ياشيخ .. عاد اتكلم من جد فجلست اربع سنين وانا رايح جاي جاي رايح ما تركت احد الا اخذت استشاره منه واغلبهم اعطوني تكاليف ما تزيد عن 25 الف ريال وقلت من باب الحرص راح اوفر على 25 الف زيها نص للمشروع ونص احتياط لمواجهة الخسارة يعني مضبط الوضع صح

فناوي على نجاح المشروع ولا في امل في الخسارة

ورحت استاجرت محل وسويت اللوحات والديكورات والابواب باكثر من 55 الف قشعت ام البويه على البلاط والاناره وسقف ارم استرنق والرفوف مناسب الديكور وجهزت طاولة وكرسي بس البضاعة مافيه شي والعمال مافيه احد بس انا والديكور وثالثنا مالك المحل يطلب الايجار

وما في حل الا اني قبلته بعد تعب 4 سنين استشارة والله لو اني بحرر فلسطين ان تكون تحررت فما تركت بقالة على وجه الارض ولا موزع في الطرقات الا استشرته لكن قلة دبره