السلام عليكم الجميع سمع والكثير قدم على برنامج رياده بحكم الافضل لدعم للمشاريع وحملتهم الاعلاميه الكبيره . الي بكل اشاره تحصل اعلان انا واحد من المقدمين على البرنامج بعد ماشفت خدماتهم وكنت مأمل فيهم كثير قدمت عن طريق موقعهم والنتيجه (الشروط منطبقة). حظرت اللقاء التعريفي برياده عنيزه ومقرهم الكليه التقنيه وتم تحديد موعد المقابله . ومن كلامهم واقوال المتحدث برياده نصائح للريادين منها 1- اللجنه تبي مصلحتك قبل كل شي 2- القبول من غير واسطات ومن الكلام 3-تجيب الشهادات او الخبرات وقالها بنهايه كلامه علشان اغششكم لازم تصيرون فاهمين المشروع صح ومن الكلام والمدح بلجنه اخذت شهاداتي بملف وحضرت قبل موعد المقابله جلست بكرسي عند بوابه غرفه اللجنه المقابله للريادين واثناء جلوسي اسمع حديثهم الريادي يتكلم ومتحمس جداً قالو له كمل دراستك قالو له مكانك مو هنا قالو له انت المفروض طموحك اكبر من كذا .! لااعلم لماذا كل هذا التحطيم .!؟ لجنه مبتدئه اذا كنت تشوف حماسه وعزيمته مو بشكل بلقاء التعريفي قال اللجنه يبون مصلحتك واي شي يقولونه لك لمصلحتك وكلماتكم هذي ليس الا لتحطيم حسناً دخلت على اللجنة بعد السلام وماد ملفي ولا واحد فيهم اعطى اهتمام فيه حطيته بنص وجلست قال محمد ؟ قلت ايه قال مشروعك مكانيكا سيارات قلت ايه قال حدثنا عن نفسك اسمي محمد درست بلمعهد المهني بتخصص محركات ومركبات (مكانيكا سيارات) واخذت تدريب تعاون بلديه عنيزه واداره التعليم وتشليح العجلات واشتغلت بورشه قاطعني وقال وين الورشه هذي قلت له موقعها وقال بلحرف الواحد الورشه ماتجيها سيارات قلت الا تجيها قال بس مافيه هذاك الشغل قلت نعم تقريبا بليوم 10 سيارات الى 15 سياره قال ايه مافيه شغل قال ودراسك كم سنه قلت سنتين ونص قال لازم خبره قلتله هذي خبرتي قال مو كافيه قال ليش ماتشتغل بورشه قلتله ماحصلت واغلب الورشه ماسكها يماني ولو اشتغلت عنده براتب 1000 او 2000 تحدث الشخص الذي يقلب الملف بغير نفس ودوامك وشلون تبي تعدل بينه ةبين المشروع قلتله طبعا بتركه تحدث الشخص الثالث الورشه وش تحتاج وانا اعدد له عده يدويه رافعات قاطعني قال الرفعات ليش .!؟ رديت عليه بأبتسامه قلت علشان ترفع السياره رد بسؤال ليش ترفع السياره قلت علشان تشتغل فيها وتفك وتربط حرك راسه للاعلى وللاسفل بأبتسامه خبيثه تكلم الشخص الاول وقال بس كذا فيه خطوره عليك لو فتحت المشروع قلت له مافيه خطوره المشروع راح يكون بدراسه جدوى وانا راح اكون موجود بلمشروع واشتغل قال خبرتك مو كافيه وقلت له والشهاده .!؟ قال وش درست تعجبت هنا من سؤال .! رد الي بجانبه قال هذا ملفه معي وقلتله درست بتخصص محركات ومركبات تقريبا شامله المكانيكا وكهرب السيارات قال يعني تعرف توظب قلتله ايه وظبت بلورشه قاطعني قال بس مافيه هذاك الشغل بلورشه الورشه مايجيها احد هنا لم اكمل حديثي وبدا يعيد الاسطوانه ويكررها تحدث الشخص الثالث وقال لو عطيتك وظيفه موظف استقبال <بورشه راتبها 4000 او 4500 وممكن يوصل9000 لو تشد حيلك تحمست وقلتله وين الوظيفه هذي قال الحين رح قدم عليهم وقله من طرف فلان قال اشتغل 6 شهور علشان تاخذ خبره قلتله طيب مته تطلع نتيجه المقابله قال تجيك رساله بجوال .! وقبل خروجي قال نسبه قبولك ضعيفه ورديت عليه مو مشكله انا بروح اقدم على الوظيفه وبأبتسامه قلت لهم يعطيكم العافيه بموقع رياده مكتوب سنقابلك شخصياً وهذا اللقاء مهم للغاية، ففيه سنستشف منك مدى إرادتك وطموحك ووضوح هداف مشروعك وقابلية تشغيله، عبر سماتك الشخصية الريادية.وسنقيس من هذه المقابلة العناصر التالية :خلفيتك المهنية والتجارية دوافعك الحقيقية لطلب القرض وضوح فكرة مشروعك مدى معرفتك بتفاصيل مشروعك الفنية مدى امتلاكك للحس التجاري قناعتك ورغبتك في النشاط التجاري مستوى عزيمتك وإصرارك وإرادتك مدى تصورك للطلب على مشروعك حجم المنافسة والأرباح المتوقعة. كلها ماتكلمو عنها لااعلم هل هم تحت التدريب ولامايعرفون عن رياده .!!!! خرجت وذهبت للمكان الي قالي عليه عطيته ملفي وقال نتصل عليك والى الأن لم يتصل احد رغم الواسطه .! بعد اسبوع جتني رساله تم ترشيحك للقبول عليك سرعه الحضور بعدها جاني اتصال :وصلتك رساله قلت نعم رياده.!؟ قال لا الكليه التقنيه ذهبت للكليه بكامل اوراقي ومريت لرياده بحكم مقرهم داخل الكليه التقنيه السلام عليك وش صار بلمقابله قال ماوصلت لك رساله يعني ماقبلت وقلت ليش ماقبلت قال اللجنه تشوف غير مؤهل وقلت له ليش غير مؤهل .!؟ مع العلم هذا هو نفسه الشخص الي يقول خبرتك غير كافيه اثناء المقابله قلتله اصلا بلمقابله انهيتوها بخبرتك غير كافيه قال هم يبون مصلحتك قلت اصلا انت شايف الملف الي جبته.!؟ قال ايهم انت ؟ انت الي مشتغل بورشه فلان قلت له ايه قال مافيه شغل عندهم قلتله طيب والشهاده.!؟ قلتله طيب وتدريب التعاوني واعطيه الورقه وينصدم قال غير كافيه .! قلتله وشلون غير كافيه ومن شروط رياده توفر خبرة أو مؤهل في نفس النشاط . قال لا خبره وشهاده قلت له لا شهاده او خبره قال لا قلتله ادخل الموقع قال مايحتاج .! قلتله طيب نفرض خبره وشهاده وانا وش جبت لكم.!؟ قال اصلا غير كافيه ولازم توثق بتأمينات قلتله طيب وشهاده التدريب قال تبي نصيحتي ادرس بلكليه واشتغل سنه اضمن لك تصير ومن الكلام .! وكلام طووووووووووووووووووووووووووووووووووووووويل الزبده (مافيه قرض ) حدث ذالك برياده عنيزه لااعلم هل تم قبول اشخاص بلواسطه او الموظفين غير مؤهلين او هذي سياسه رياده