السلام عليكم ورحمة الله وبركاته

أنا قدمت على إعانة المطلقه وقالو لي لازم يدرسون حالتي وأرجع لهم شهر 3
هالكلام من شهر, يعني لازم أصبر 3 شهور الله يهديهم

وعندي اخت في سن الأربعين ماعمرها تزوجت, وابونا توفى الله يرحمه يارب
اتوقع لها إعانه إذا أنا مش غلطانه؟ وكم إعانتها وشنو الأوراق اللي يبونها؟

الوالده الله يخليها لنا أرمله, الله يرحم الوالد ويغفر له ويعفو عنه ويدخله جنات النعيم بغير حساب ولا عذاب هو وجميع موتى المسلمين يارب

لها إعانه بعد صح؟ طيب وهي عندها بنتين إللي هم أنا وإختي
بننحسب بإعانة امي معاها؟ ولا مارح يعطوني شي لأني مقدمه على إعانة المطلقه؟
وهل إختي نفس الشي, يعني إذا قدمت لها إعانة الغير متزوجه مارح يطلع لها شي مع امي؟

وأبي أعرف كم إعانة اختي بتكون
وكم إعانة امي بتكون, وكم نصيبنا منها في حال ماقدمنا على إعانة المطلقه والغير متزوجه

وجزاكم الله خير