باختصار جمعونا بغرفه ، وقامت تسولف علينا سوسن.

وبعدين طلعونا لغرفه ثانيه، وجاء هندي قال احتاج احد يساعدني وقامو بعض الشباب الله يجزاهم خير ( طبعا كان اختبار) لاهندي يبيهم يساعدونه ولا شي.

بعدها سوو لنا حنا مقابله خفيفه اللي ماقمنا نساعد الهندي.

بعد كذا تجمعنا بقاعه كبيره جلسنا قروبات وعطونا مكعبات وقال سووا لنا طبخه
( طبعا هنا الواحد مايدري هل يسوي شكل او يسوي ذكي ويقولهم هذه مكعبات ماينطبخ فيها)
عموما سووينا لهم اشكال بالمكعبات وجوو سألونا وش هذا وكيف وكذا

وبعدها بريك ، وبعدين تتكلم دقيقه عن اي شي في التقنية الحديثه . ( بالعربي او الانجليزي) بس طبعا يفضلون الانجليزي لانه اول واحد تكلم عربي قاله لو سمحت كمل انجليزي . ممكن يبون الانجليزي .

بعدين قالو افتح لعبه بجوالك عاد يجي يسولف معك فوق راسك يشوف تتشتت ولا لا .

وبعدين سووا معنا المقابلات النهائيه وطلعنا الساعه ٤ ونص العصر

وبالتوفيق للجميع