السلام عليكم

32 صفحه بالموضوع هذا ولا قريت لأي أحد انه انقبل ؟؟؟؟!!!!!!

الموضوع مريب وغريب وبديت أشك إن الموضوع نصبه احترافيه لسرقه الهويات Identity Theft

بداية من فريق المقابلات غريب الأطوار والمنفصخ من الحياء مع الإختلاط الي ماله أي داعي ونهايةً إلى التسحيب في المواعيد والمواعيد الكاذبه.

بصراحه أنا ما انقهر الا لمن أقرا في الموضوع هذا أكثر من مره شخص يتعنى ويتصل فيهم ويبحث عن ارقامهم وفي النهايه نفس الكذبه شيك ايميلك اليوم أو بكره !!! ولازال يصررر على الاتصال فيهم والسهر امام شاشه الجوال او الكمبيوتر بانتظار ايميل من هؤلاء الدخلاء. يا جماعه الخير ترى ماحد ميت من الجوع ولا تصيرون زي الي يبحث عن قطره الماء في وسط الصحراء والعطش هالكه.

أنا اعتبر إن المقابلة الشخصيه هذي عباره عن تعدي على ثقافة اهل البلد هذا للأسف، مع إني متيقن إن كثير منكم يعارضني الرأي وبيطلق علي متخلف أو ما شابه لكن واقع هذي المقابله مؤسف جدا وفعلا ما توقعت إني بيوم من الأيام بشوف بناتنا يُرغمون من أشخاص "متفتحين" على مجالسه رجال مايحل لهن مجالستهم بنفس الطاوله وقياس مدى قابليتهن على التأقلم مع الرجال، وهل بتنحرج أو بتكون "فري" وكل وحده وواحد في هالمقابله شاد حيله عشان يبين لهؤلاء الشله، الي قاعدين يختبرون تأثيرهم على خدش حياؤنا، انه او انها كوول وفري وما عندي مشكله مع الجنس الآخر بس أهم شي اقبلوني في بنككم.

عموما انا اعتذر ويعلم الله إني ما اقصد الإساءه لأي شخص كان، لكن وبكل صراحه ما أرى انه بنك يستاهل التعلق به خصوصا بعد المقابله الغريبه الي مالها ساس وخرابيط من أولها لآخرها وبيني وبينكم يبون يسوون انهم فريدين من نوعهم باجراء المقابلات وانهم ابتكروا اشياء جديده، لكن كل سالفه المقابله هذي عمليه فرز من الي "فري" والـ "متحجر" باسثناء الكم سؤال الي سألوهم بالنهايه.

شكرا لكم ولاحد يزعل من الصراحه، وشكرا بنك الخليج "اذا فعلا انتم من بنك الخليج" على بوفيه الإفطار اللطيف.