وياليتني ما شفت ..

شفت الموظف ماسك ملفي ويخرج الاوراق ويقراها و بيتسم وبعدها نزعها من الملف وشققها ورمها بالزباله جنبه ..!!!

انا انصدمت وانحرق قلبي .. اشوف شهاداتي و اوراقي تتشقق قدامي من واحد اجنبي يضحك علي ويرميها بالزباله جنبه وفي بلدي ..

فااااااار دمي وجاني انهيار .. ودخلت عليه وقلت : اش اللي سويته هذا ؟؟ ..
وهو انصدم بعد اتوقع اني قد مشيت من 5 دقايق .. قالي : ايه انته من متى هنا ؟؟ ...... قلتله : لا يكثر هات اوراقي وبس..
قالي : خلاص اوراقك عندنا وبنتصل فيك ... قلت له : لا خلاص ما ابي وظيفه عندكم انا ابي اوراقي وبس ......

المهم دخلت عليه من طاولة المكتب وطلعت اوراقي من الزباله وقلت : انت قد هالشي اللي سويته .....

المهم اتلازمنا بالايادي وضربنا بعض وجاء الطاقم الاجنبي كله وسحبوني ورموني برا وقفلوا الابواب ...

وجاني الحارس وكان سعودي مسكين ويجمع معي الاوراق المشققه ويقولي الله يعوض عليك طنشهم هم ما يبون سعوديين اصلن شوفني انا شغلوني عندهم حارس ومعي ثانويه وحاسب آلي اشتغل 9 ساعات ويوم واحد اجازة والاجانب الاداريين يشتغلون 6 ساعات من 8 الى 3 ويومين اجازة جمعه وسبت .. اتركهم والله بيعوضك ...


يتبع ..