انا اخذت قرض من ريادة وانصحك فيها بشدة

لان القرض طبعا تسديده بدون فوائد وعلى 8 سنين وتبدء بسداد القرض بعد سنة ونص من افتتاح المحل +راتب لمدة سنتين من الموارد البشرية 3 الاف شهريا

الشروط : http://www.*******.com.sa/LendingTerms.aspx

طبعا المقابلة الشخصية اهم شئ تثبت لهم انك فاهم بالمشروع الي بتسوية وانك بتوقف عليه
وبالنسبة لشهادة الخبرة بسيطة من اي محل نفس نشاطك يعطوك هيا وريادة عارفين انها مو صحيحة
ولكن مثل ماقلت لك الاهم انك تثبت انك فاهم بالشغل

طبعا بعد التقديم عالنت حتلاقي المواعيد حقت المقابلة وبداية الدورة

لان بعد المقابلة حتبدء دورة لاجل تسوي دراسة جدوى لمشروعك تحت اشراف استاذ يساعدك+انك حتحصل على شهادة انشاء دراسة جدوى

حتدفع الف ريال للدورة وحيردوها لك مع الدفعات

النظام الان تغير المبلغ ينزل بحسابك على 4 دفعات وعشان تحصل على كل دفعة لازم تجيب فواتير بمصروفات الدفعة الي قبل

المسالة ممكن بيكون فيها شوية وقت ولكن انصح بها بشدة

واي استفسار راسلني عالخاص اخوك فارس الصبحي