الله يشفيك ياخوي ويقومك بالسلامه
نصيحه محب فكر ( بالاهم ثم المهم )
الصحه والعافيه هي اهم شي بحياه الانسان
بدون الصحه ماراح تقدر تنجز بوظيفتك ولا تسوي اي شي
لاتأجل موعد العمليه وتتعب وتجهد نفسك اكثر ورزقك عند الله
ونظامياً تقدر تقدم تقاريرك الطبيه وصوره من تذكره المراجعه اللي عطوك اياها وزاره الصحه
وترفقها مع خطاب باسلوب منمق وواضح تشرح فيه حالتك بالكامل للاداره عندكم في العمل
ان كانو حبايب بيوافقون لك عليها بدون راتب في اسوء الاحتمالات
وان كانو مافي قلبهم رحمه بيرفضونها وبيخلقون لك اعذار
واذا خلقو لك اعذار سو عمليتك وماعليك منهم
لان اداره مثل هذه تركها افضل ماعليها حسوفه
بأعتبار ان كل موظف معرض لظروف صحيه واجتماعيه مستقبلاً ( مرض - وفاه اقارب - مرض زوجه وابناء ... الخ
وعندي سؤال ( هل وقعت العقد مع وظيفتك الجديده ) وهل هي حكوميه ولا شركه ؟
عشان اقدر افيدك قانونيا اكثر على حسب نظام مكتب العمل والعمال لان هذه شغلتي
بالتوفيق يارب وطمنا وش يصير معك
الله يعطيك الصحه والعافيه