اقتباس:
المشاركة الأصلية كتبت بواسطة emh0
اول شي خلو عنكم الفلسفه العنوان مافيه شي ابد
اولا ,, الاعانه صحيح بالله وهالكلام ما عليه اي خلاف .
ثانيا ,, يا أهل الجامعات بوالديكم؟محتاج ,ايش فيه هالعنوان من شي خطأ ؟
جد والله .. هلك المتنطعون .
بالنسبة لك عزييزي صاحب الموضوع اسأل ربي يوفقك ويسهل عليك كل امورك يا رب
مين وين جايبة هالكلام ؟!
والله لو انها حلقة خضار 
بالنسبة لجامعه الامام + الملك سعود مثل ما قالت اختي قطرة غيث
تقبل لحد 5 سنوات ,, يعني في امل لكن قسم اللغه الانجليزية لازم معدلك يكون 85 %
انا خريج كلية تقنية .. و متخرج من الثانوي عام 1425 هـ ,,, والترم الماضي قدمت في جامعه الامام تخصص انجليزي .. معدلي 85,94 ,, والحمد لله اختبرت اختبار القبول
واجتزته ودخلت القسم ... المهم شهادتك ما مرت عليها 5 سنوات تدخل الجامعه
باقي جامعات المملكة او اكثرها حدها 3 سنوات
بالنسبة لاختبار القبول .. عبارة عن اشياء بسيطة جدا جدا كلمات وشوي في القواعد
وكلها اختيار متعدد مثل حق القدرات
ولها 3 حالات :
الاول
درجة الاختبار من 100 ,,, ان جبت 60 الى 79 ,, يدخلوك دورة مكثفه ترم كامل
تقوي فيها اللغه عندك.. ثم يسوو لك اختبار تقييم ان اجتزته تدخل القسم
بالنسبة للدورة المكثفة سهله جدا جدا
موادها .. قراءة ، قواعد ، كتابه ،محادثة واستماع ، فوكابلري (مادة كلمات لتقوية المفردات عندك )
وفي حاله بعد الدورة المكثفة جبت من 60-79
يدخلوك دورة مكثفة مستوى ثاني وهذه اخر فرصة تكون لك .
الثاني
ان جبت في الاختبار حق القبول من 80 فما فوق تدخل المستوى الاول على طول
من دون دورة مكثفة ولاشي .
الثالث
ان جبت اقل من 60 ما راح تدخل هالقسم راح يدخلوك على رغبتك الثانية(تخصص ثاني انت تختاره) وان حاب تحول بعد ترم ... يرجعو يعيدو لك نفس الاختبار .
انت الحين نسبتك 83,33 % وللاسف الشديد عندنا جامعات ما تراعي فرق النسبة والنسبتين ... فـ اشوف انك تروح الجامعه وتقدم وان ردوك حاول مره ثانية
ادعي ربك قبل شي واتوكل عليه ،، ثم ان قدرت تشوف لك احد من هنا او هنا يزحلق اوراقك ،،، مع اني اتمنى لك انهم ما يدققو
بالنسبة لجامعه الامام ,, التخصص فيها ادب انجليزي والشهادة تربوية ..
يعني تتخرج مدرس لغه وتقدر تصير مترجم .
بالنسبة لجامعه الملك سعود .. تخصصهم ترجمه فقط ...
في جامعه الامام اكثر تركيزهم ع اللغة من ناحية الادب وطرق تدريس اللغه..
وفي مادة ترجمه لكن مو متخصصة مثل الملك سعود ...
استخير ربك.
بالنسبة للتقديم الترم الثاني .. في جامعه الامام ايه موجود وهذا انا الترم الماضي قدمت وانقبلت فيه
اما جامعه الملك سعود صراحه ما عندي فيها خبر ابدا .
ابحث عن قسم اللغات والترجمة في المنتدين و راح تلاقي اجابة لكل تساؤلاتك
وانا من رأي انك تتحرك وتروح ع الجامعه وتسأل وتستفسر حتى تكون على بينة اكثر ... الحركة فيها بركة : )
موفق يالغلا |
جزاك الله خيركفيت ووفيت اسال الله لكم التوفيق