[align=center]





انا الله يسلمكم دخلت التجارة مع باب التراث وبيع واقتناء القطع التراثية، (مسجلات، عملات، نحاسيات، جنابي، سيوف ,,,,الخ) المهم اني اشتري من الأسواق الشعبية في الرياض ومكة وجدة وباقي المناطق وابيع ف النت خصوصآ في موقع حراج وموقع مستعمل وفي الأنستقرام،

ولكن ما اخفيكم سر، البيع يعتبر ثقيل نوعآما، يعني القطع يبغالها فترة طويلة على بال ما تتصرف وتكسب فيها لذلك حبيت استشارتكم وآرائكم بطرق مبتكرة للبيع بأي وسيلة كانت، مع الأخذ بالأعتبار اني موظف شركة واوقاتي جدآ محدودة وضيقة، يعني ما اقدر ابسط او اشتغل مسوق ميداني،

ابي طرق مبتكرة للتصريف عن طريق الأنترنت او مسوق ميداني صاحب صنف في التراث وعنده خبرة في هذا المجال، اجيب له قطع مميزة، وبأسعار معقولة ولازم يكون ف المنطقة الشرقية(الجبيل، الدمام، الخبر، وماجاورها)، او مواقع انترنت مشهورة مثل حراج ومستعمل وعليها اقبال كثيف من الجمهور العام، ماعدا ebay و الأمزون لئها مواقع معقدة وشغلتها شغلة، أو شخص عنده محل في مركز تجاري قوي ومشهور واجلب له قطع واعرضها عنده ويكون بيننا نسبة في المربح او شخص له علاقات مع زباين دفيعة ويقدرون المقتنيات النادرة والقطع الثمينة، وطبعآ هذه المنتجات لها زباين خاصين جدآ من جميع الطبقات في المجتمع،

بنتظار اقتراحاتكم وتوجيهاتكم الحلوة







[/align]