المشاركة الأصلية كتبت بواسطة مستر ناتو

سلام عليكم ورحمة الله وبركاته
أولا الله يكتب اللي فيه الخير للجميع
صراحة صعب جدا انك تعيش فترة مفصلية في حياتك
خصوصا المهندسين أمثالي
أما القطاع الخاص..أو الحياة العسكرية
بتكلم في كم نقطة وأتمنى تصححون لي وجهات نظري لو كانت خاطئة
أنا من تخرجي من شهرين للآن لفيت كثير من شركات القطاع الخاص
وكالعاده روح ونتصل
إلى أن أصابتني فوبيا "روح ونتصل"
توظف عدد لابأس به من زملائي
أكثرهم مرتب 8200 ريال

راتب جيد كبداية
لكن تعرفون كلكم القطاع الخاص
مايطلعون ريال لين تطلع معه كل راحتك.
أيام القبول المبدئي قابلت احد المهندسين متوظف في شركة خاصة ب 12500 ريال
طيب وش جاي بك؟!..قال عسكريه ولا كل يوم يأمرني وينهاني ويهينني أجنبي

ماتعتقدون كمهندس في الحرس تعتبر معزول جزئيا عن العسكرية وأنظمتها؟!
ةدوام من 8-2 وبدون إستلامات..وباقي يومك لك مع عيالك» طبعا عيالك مستقبلا..حبتين أمل وراحة نفسيه ;-)
واعتقد عملك كمهندس في عسكريه..أفضل بأضعاف من عملك في قطاع خاص؟!

ثانيا «كل اللي فات أولا :-O
عملك كمهندس في الحرس مو نسف لكل دراستك
بالعكس
لو فكرت بعد 18 سنه..«اللهم أطل اعمارنا واحسن اعمالنا
بعد هالعمر تقدر تتقاعد وعندك خبرة مهندس 18 سنه
تطلع لك ذهب بالقطاع الخاص..او على الاقل تفك مكتب وتريح باقي عمرك

مدري عطوني عكس كلامي عشان أشوف من منظوركم..وآخذ كل إحتياطاتي وتفكيري ..وشكرا