معروف ان أغلب الموظفين لازم ياخذ دورة على جميع الأقسام يعني مرة خدمة عملاء ومرة صراف ومرة مسوق بطائق ائتمان ...
بطائق الائتمان هاذي ما أظن أحد من المشايخ أو العلماء مجمعين على تحليلها وتقدر تسأل ومثل ما قلت أغلب موظفي البنوك لازم يمر على بطائق الائتمان أو توقيع معاملات قروض ورفعها للمدير وطبعا الموظف يجيله أمر من فوق على توقيع هاذي المعاملات وبعضها حرام وربى ..
لي صديق في أحد بنوك الراجحي يقلي يجيلنا ناس تبي سلعة مثلا سيارة تشتريها من البنك وتبيعها على البنك في نفس اللحظة وهاذي السيارة مبيوعة على 20 واحد غيره.

كمان اسأل أي موظف في بنك هل هو مرتاح في حياته الاجتماعية هل فيه بركة في راتبه اذا جاء نص الشهر هل يبقى من راتبه شيء.

لما تكون على اطلاع تام بأمور المعاملات في البنك من قروض وبطائق الائتمان والأسهم لبعض الشركات المحرمة ويكون عندك اتقاء الشبهات وتعرض ما يمر عليك على هيئة كبار العلماء راح تعرف ان 90% من اللي يدار في البنوك أما شبهه أو حرام وهذا الشيء يختلف من بنك للثاني مثلا البنك الأمريكي ريحته فايحه بالربى مهب مثل بنك الأهلي أو الراجحي أو الجزيرة.

نجي للشيء المهم وهو إن بعض الوظائف ما فيها شيء والموظف ما يتعامل مع الأمور المشبوهة أو المحرمة فإن كان انه ضامن نفسه يبقى في هاذي الوظيفة على طول كويس اذا مثلا ما جاله ترقيه ونقلوه لقسم آخر أو حصل هناك تشكيل إداري في البنك ونقلوه.

أنا واحد يقلي أخوي سأل الشيخ بن باز الله يرحمه فقله أنا أعمل في بنك الراجحي في وظيفة تقنية (الظاهر انه فني كيابل شبكات) فقله الشيخ ما فيها شيء ان شاء الله.

أنا سامع مره آل الشيخ يسأله مستفتي فقله أنا أعمل في البنك هل يجوز ؟ فقله الشيخ يجوز بس أبعد عن الربى.

العريفي قال البنك مثل السوبر ماركت في العطر وفيه الدخان...

وأنا أقول الأفضل للواحد يستبرأ لدينه ويبعد عن الشبهات دام إن المشايخ والعلماء ما زكوا أي بنك وقالوا إنه حلال 100% وأنشطته سليمة 100%

بس هذا اللي أحد أبينه

ممكن بنك التسليف الواحد يرتاح له لجل انه أنظف بنك عندنا من ناحية القروض ولا فيه زيادة فيها على حسب علمي

يجي واحد ويقول طيب لو ما البنوك كان فلوسنا ضاعت او ما نستغني على البنوك أو جميع الموظفين تاخذ فلوسها من البنوك...

فنقول للقائمين على البنوك يتقوا الله في المعاملات والفلوس اللي ياخذها الشخص من البنك مجبر على هذا الشيء وان شاء الله ما فيها شيء ولكن للأسف كثر الخبث في البنوك وحتى ان بن منيع رفع دعوى قبل فترة على البنك الأهلي لأن البنك استغل ختمه للختم على معاملات الشيخ ما افتى بها ولا ناظرها وتفاجأ بها