الف مبروك ياعسل التعيين
الله يرزقك خير الوظيفة ويكفيكي شرها

ايش تحبي تعرفي بالظبط عن الوادي ؟

اختي عاشت فيها سنتين وكانت من احلا سنين عمرها ..
اهل الوادي اهل كرم وجود واخلاق بالفعل ماشفنا مثلهم في طيبتهم اكثر من اهل

طبعا كل ماتكوني متواضعة وخدومة ربي يسخرلك عباده الطيبين ..

وادي الدواسر تبعد عن مكة 650 كم
بالطيارة ساعة وثلث

منطقة هادئة مثل الطائف جوها حلو وبردها شديد ...
كثير متعينات في الغربية بالوادي يعني اتعودو على المتغربات ..

يوجد شقق مفروشة من 2000 في الشهر الى 3500 في الشهر
تعتبر غالية نوعا ما عن الغربية ..

ماشاء الله اهلها جدا متحضرين ..
عندهم مستشفى عام ومستشفى العسكري ..

اكثر اهل الوادي يستعملو في النت موبايلي وطبعا الشبكة سيئة ..

في محافظة اسمها السليل تبعد عن الوادي 40 دقيقة وكثير اتعينو هناك ويقولو افضل من الوادي الله اعلم ..

المطار بعيد شوية عن الوادي تقريبا 38 دقيقة ..
توجد رحلات لجدة والرياض فقط ..

هناك كل السواقين معا حريمهم يعني لاتخافي .
الافضل تدفعي للسواق بالشهر تتفقي معاه يمكن ارخص لك

لان مشاويرهم غالية يعني مشوار بسيط ياخذ منك 40 ريال
وللمطار 100 ريال للشخص واحيانا 150 .

الايجارت للشقة من 18 وفوق وشققهم مجهزة من مطبخ ومكيفات والخ
افضل حي في الوادي الخماسيين ..

شوية في استغلال من المحلات التجارية عشان اغلبهم اجانب مثلا متر النايلون الي نشتري بريالين هناك بعشرة ريال
اغلب المغتربات في البداية كانو يجيبو خضارهم معاهم ..


اعتقد في سيتي ماكس ورد تاغ ناسية والله ايش الي فاتح عندهم
قريبا يفتح مول كبير..

الوادي منطقة زراعية فيها مزارع وكثير ينزل امطار ..
مويتهم جدا مالحة وطبعا اختي عملت تحلية تقريبا يكلفك 1500 ريال
وفي عمائر موجود فيها تحلية ..

المشرفات قمة في الاخلاق وحتى المعلمات ربي يسخرلك عبادة الطيبين .
وبجد لاتخافي انا كنت ادعي الله لو جاني تعيين يجي في الوادي من طيب اهلها ..
واي سؤال ياقمر انا حاضرة ..