حبيت أتكلم من واقع تجربتي ..
فيه كم حاجة حابه اتكلم عنها عشان افيد غيري وبالذات اللي يفكر يدخل مشروع الطباعه
خصوصا بعد ماشفت أكثر من وحده متوهقه ومتحطمه وهي لسى مابدت
نفس حالتي بالضبط لما بديت والكل عارف ايش الصعوبات اللي مريت فيها
ولأني حاسه فيكم والله واعرف معاناتكم حبيت افيدكم من واقع تجربتي المتواضعه
1- لا تتهور وتكون مستعجل مثل ماسويت انا في بداياتي ..
انصحك كبداية تشتري مكبس اكواب ب 500 الى 600 ريال + طابعة ابسون L800 ب 1950 مع حبر كوري اصلي عند مؤسسة العلم والعمل ..
مكبس وطابعة سبلميشن بأقل التكاليف .. فيه طابعات ومكابس اغلى , لكن كبداية لا تتهور
واصعد السلم درجة درجة .. حلو الحماس لكن اوقات يجيب نتائج عكسيه ..
2- لا تتعامل الا مع مؤسسات ثقة مثل :
أ / مؤسسة العلم والعمل , رقم الجوال ( 0533000014 )ماعندهم موقع الكتروني , موقعهم في الرياض
ب / مؤسسة نجوم الليزر , رقم الجوال ( 505800493 ) موقعهم الالكتروني http://www.saudisub.com/
, في الدمام ..
ج / المحترف , رقم الجوال ( ‪0554855750‬ ) موقعهم الالكتروني http://www.almuhtarif1.com/
في الاحساء ..
الباقين لايعني انهم مو ثقة , لا بالعكس بس ماتعاملت معاهم فصعبة اشهد لهم بالثقة ..
+ اما المتجر السعودي سيئين في طابعات ابسون المعدلة مثل ابسون P50 وغيرها
يعدل عليها دعمهم الفني على اساس انه ركب نظام الحبر المستمر بشكل ممتاز وهو بالاساس قاعد يدمرها
فدعمهم الفني هو اساس فشلهم .. وانا بسبب هالدعم قاطعتهم حتى لو كانت منتجاتهم الارخص في المملكة .. ماانكر اني اشتريت منهم في بداياتي كرتون اكواب وورق حراري وشريط لاصق حراري والشريط لازال معي الى الان ..
واكوابه ممتازه واشتريت منهم مكبس اكواب لازلت استخدمه .. وهذي شهادة حق فيهم لكن اشتريت منهم طابعة ابسون P50 طبعا معدلة بس بسببها تكبدت خسائر أكثر من 1500 ريال اشوفها قاصمة للظهر كبنت في بداية مشروعها والطابعه الى الان مرمية عندي مثل المزهريه .. والحمد لله اشتريت بعدها طابعة ريكو ومشيت بمشروعي ماشاء الله ولو إني مو راضية واطمح للافضل ..
3- صعبة جدا واشوفها استعجال وتهور وحماس غير محمود في انك تشتري جهاز غالي في بداياتك
خصوصا البنات لأني متعاطفه معاهم كثير وخصوصا اللي ميزانيتها مش ولابد وجمعت المبلغ بعد تعب :")
طيب يمكن الطابعة تتوقف عليك , يمكن تعاملتي مع مؤسسة غير ثقة واعطوك كمية خامات غير حرارية
يمكن المكبس الغالي هذا يتعطل عليك وتواجهين صعوبات في بداية مشروعك بسببه وتتحطمين من البداية
لذلك ابدي بأقل التكاليف .. عشان لو تتعطل عليك لاقدر الله وقتها تكوني ماخسرتي كثير مثل غيرك ..
كبداية مثل ماذكرت مكبس اكواب ب 500 او ب 600 ريال + طابعة ابسون L800 + كرتون واحد بسسس اكواب 36 حبة ب 130 ريال + ورق حراري ب 30 ريال + شريط لاصق ب 12
تقريبا المجموع 2700 ريال ..
تقدرين تضيفين بعدين اذا حصلتي ربح كويس ( مقات ) ومن واقع تجربه اشوف عليها طلب ..
خصوصا انها ماتحتاج اجهزه غاليه أو حبر غالي , تقدر اي بنت تبدأ مشروعها بمقات حافظة بس ..
مشيتي بمشروعك والله بارك لك , اشتري مكبس مسطحات سعره معقول .. وقتها راح تقدرين تطبعين على ( اكواب + مطارات + تيشيرتات + ميداليات + كفرات + مرايا + شنط + محافظ نقود + اساور + تعليقات )
بكذا تكونين بديتي بأقل التكاليف وبدون تهور ..
عندك ميزانية ومستعدة تشترين كم جهاز ماشاء الله , فيه عرض عند المحترف ممكن يفيدك ( هنا )
ب4500 ريال مكبس 6 في 1 + طابعة ابسون L800 + طقم احبار صيني + ورق حراري + شريط لاصق + 10 هدايا اضافية
مع اني ماؤيد الحبر الصيني ,, وماأؤيد المكابس غير الاحادية
كلامي هذا نابع من خسارتي وتهوري وتجربتي الفاشله السابقة لكن الحمد لله كل دقه بتعليمه ..
انا عانيت كثير بسبب المشروع وتحطمت وتعبت نفسيا ,, وقفت سنه كاملة بسبب الفشل والاستعجال
لكن يسر الله لي الرجوع ..
والخساره متوقعه في بداية اي مشروع لكن حبيت أنبهكم عشان تتجنبون الخساره قدر الامكان
هذا اللي كان بقلبي من كم يوم وماارتحت الا لما قلته ..
اعتذر على الاطاله .. دعواتكم لي بتفريج الهم ..