في يوم من الايام اتصلت على مدربه معروفه وسيدة اعمال
دائما ماكانت تتكلم عن الطموح والاراده
طلبت منها المشاركه في احد ملتقياتها
ورحبت بالفكره وانا تحمست كثير كثير
بعدين طلبت مني اقول الفكره
فبدات اتكلم عن قدراتي ومهاراتي وطموحي والخ
وقاطعتني قائله انتي وش تخصصك الجامعي ؟؟
وقتها انا كنت ابكي حسره على دراستي لاني وقفت عند الثانوي وماقدرت اكمل
فسكت وجاوبتها انا ثانويه ماعندي جامعه
ليتها خلتني اكمل كلامي
قامت قالت انا الان مشغوله اكلمك وقت ثاني وسحبت علي
عشان بس ماني جامعيه
كانت انسانه شكليه تنفخها المظاهر
جلست ابكي قهر بعد هالموقف
وتكرر معي مثل هالمواقف كثير
الا انني تغيرت كثيرا وقررت بناء نفسي بنفسي
فقبل سنوات كثيره كنا ننام تحت سقف يخر المطر على رؤوسنا
والان ننام تحت الاضاء الخافته وننظر للمطر من شباك الغرفه
بعد ان عملت في كثييير من قطاعات العمل انا الان اخيرا مصممه فوتوشوب في شركه ضخمه بمنطقتنا
الحمدلله على كل حال
والانسان مادامه خلف طموحه فلن يمل ولايكل
ومازلت مستمره لتحقيق طموحي في فتح مشروع مستقل والى هاللحضه فتحت مشروعين وخسرو
ووقريبا بجرب الثالث
والحمدلله انا الان في المستوى الخامس من الجامعه تعليم عن بعد
//
الاخ شاهد على العصر
قصتك مثال يقتدى به
ويجعلنا نفكر بانفسنا كثيرا كثيرا
//
شكرا لك