لاتغامري بمشاريع ماتقدرين تتابعينها
خليك مع النساء من بنات جنسك والافكار كثيرة
شوفي كم وحدة عندها موهبه الحين وتشتغل من المنزل ؟ وبنشاطات مختلفه ومتنوعة
براس مال بسيط ممكن تساعدينهم وتستفيدين انتي بإنشاء مشروعك الخاص
الافكار كثيرة وكل فكرة ممكن تعدلينها حسب مايناسبك
اولا انشاء متجر الكتروني تسوين اتفاقيه واضحه ورسميه وطريقة تتفقين مع التاجرات والموهوبات تعرضين للبنات اعمالهم مقابل مبلغ شهري بسيط تستلمينه منهم طبعا بعد التاكد منهم ومن شغلهم
التوصيل يكون عليهم
انتي عليك تسوقين لهم وتعلنين لهم
طبعا كل شهر تستقبلين عدد معين من التاجرات لاتكثرين عشان ماتظلمينهم
او تستأجرين محل بشارع تجاري
توظفي بائع
تعرضي اعمال الموهوبات في المحل وتبيعينها مقابل عمولة على كل قطعة او مقابل ايجار شهري تستلمينه منهم حسب الكمية والمدة من 6 اشهر الى سنة
وانتي وشطارتك تسوين عروض وتطلعين بأفكار تسويق لهم عشان يتشجعون ويدفعون لك عشان تعرضين اعمالهم عندك
كذا توفرين عليهم بدل مايأجرون محل ويتكلفون . التكاليف بتقل عليهم
وانتي بدل ماتبحثين عن بضاعه وتتكلفين فيها تأجرين الرفوف للي عنده بضاعه
التواصل مع الموهوبات وصاحبات الاعمال عن طريق الهاتف والانترنت وانتي في منزلك مايحتاج تروحين وتجين
تسوين دفتر تكتبين فيه كل شي وتتابعين الشغل وانتي في بيتك
والبائع عليه كل اسبوع يجيب لك الحسابات
الفكرة الثانية خياطة فساتين وملابس نسائية
شوفي خريجات الكليات مبدعات وكثار لكن الوظائف لهم قليلة
الكل يبي استقدام
وظفي مواطنات واكرميهم يبدعون معاك
موسم الفساتين طوال العام. لو الاعمال مبدعة ومتقنة والاسعار مناسبة بيجونك زباين من كل المناطق وتقدرين تسوقين عن طريق انستقرام لمشغلك
الفكرة الثالثة مطعم اكلات شعبيه تقدم بطريقة فخمه
تقدرين تخلينه نسائي وتديرينه بنفسك
الاكلات الشعبيه عليها اقبال وطلب من الناس
سعر التكلفة بسيط والربح فيها نسبته عاليه
الفكرة الرابعه باصات توصيل للمدارس والجامعات والشركات طالبات ومعلمات وموظفات تحتاجي باص وسائق
لاتنسوني من دعواتكم