المشاركة الأصلية كتبت بواسطة منقا دوا

وعليكم السلام .. حي الله حبايب قلبي اهل الجبيل ..

المشروع الأول أوكيه زي ماتفضلت قلاب يعدمها لكن تاخذ تريله سطحه 3 محاور طول التيدر 13.6 مهو 12 .. الراس بحدود 110 آلف النظيف موديل 2006 وفوق خذ العلم وخذ لفه بموقع حراج والتيدر ألماني ب 30 ألف لاتاخذ وطني .. وطبعا الراس فحص مهندس .. وتاخذلك سواق هندي بسسسس على كفالتك .. وتشغلها في الميناء تحميل خامات ترى الشغل بالهبل ماتلحق .. خصوصا بين ميناء الدمام والجبيل .. شهريا صافي لك مايقل عن 7 آلاف هذا غير راتب السواق 1500 وتكرمه على كل رد 100 إلى 150 ريال عشان يدهر .. وكلها فترة بسيطة وبتحصل عقد مع شركه انت وشطارتك أو شطارة الهندي .. والعقد مابيقل سنويا عن 110 ألاف وأزود أنت وشطارتك خصوصا إذا السواق مزبوط وأرتاحوا معه ..

المشروع الثاني ورشة الحدادة !!! شدعوه أحط 80 ويعطيني الباكستاني من 2000 إلى 3000 آلاف !!! أفتح بوفيه بحي عزاب أحسن .. أدري العمال عليه لاكن لاتنسى بتدفع أجار وأجارات الجبيل اسألني محطت ضهر .. وتجيب بعد عدة !! هلا والله ههههه عدة الحدادة تفكرها رخيصه .. أنسى الموضوع

المشروع الثالث .. أمممممممم لحظه ..... بكم سعر الينوفا .. قول ب 100 ستاندرد .. مصري أنسى لأنه مابيرضى براتب أقل من 2000 .. الهندي 1500 .. بس لازم تركب جهاز تتبع المركبة إذا بتزبط شغلك مع السواق وتريح نفسك من لكاعة السواقين .. وتعامله زي شركات الليموزينات .. الشركات إذا موتر وكالة يوميا 140 ريال مستعمل 120 .. وعليك الحسبه شهريا ..

وبخصزص الأخ العزيز معهد الريادة .. وين التريله ذي إللي ب 80 ألف !!! أبيلي 5 ولك سعي 50 ألف .. بس مهو تجيب لي تريله تشليح وسلامتك ..

هذا إللي عندي ... وسلم على حبايب قلبي أهل الجبيل فديتها ..