السلام عليكم اختي مشروع جدا متميز واتوقع انو قليل او نادر بالسعوديه بس اهم شيء المنطقة وياريت تذكريها عشان اللي عنده خلفيه عن الموقع يقدر يفيدك بس زي ما ذكرتي انها محافظه بس ان شاء الله انو يكون في كثافه سكانيه ويكون عندك احصاء للعدد تقريبي طبعا انا بعطيك نصايح وان شاء الله تفيدك
اول حاجه عادات المنطقه اللي انتي فيها وانتي عارفه اكثر الناس ماراح تسمح لبناتهم انهم يروح الا لاماكن ضرورية طبعا مو زي المدن فيها ناس متفاهمه وعارف
وثاني شيء لازم تنزلي اعلان وتشوفي اقبال الناس على الموضوع وكيف ارائهم
المكان وهذا اهم شيء لو ميزانية المشروع عندك جيده لا تبخلي في الموقع يكون الموقع في شارع معروف لك المنطقه وتجاري يعني مولات ومحلات عطورات اماكن يتواجد فيها النساء بكثره هذي لحالها راح تكون دعايه لمشروعك وفي اقل من شهر حتكوني معروفة لانو اول محل ينفتح بالمنطقة
طبعا التصريح او الرخصة والسجل مهمه لازم تسالي عنها هل هيا سهله زي النشاطات الثانيه
لازم تسوي دراسة جدوى دقيقة جدا وياريت تكون عند احد له خبره في المجال هذا عشان ما ينفع تبدئي في المشروع وفي نص االمشروع توقفي عشان الميزانيه خلصت
بالنسبة للالات الرياضية في مواقع كثيرة طبعا تدخلي وتشوفي الالات اللي تناسبك وترسليهم على الايميل الاسعر زائد سعر شحن الكونتينر كامل واصل الى السعودية طبعا لازم تحددي اقرب ميناء لكي تاخذ الارسالية من 30 يوم الى 60 يوم وتوصل كحد اقصى في موقع على بابا معروف طبعا صيني لا تتردي عشان صيني لان الصيني درجات خذي الدرجة الاولة طبعا حتلاقي اسعار ما تتوقعيها وممكن تلاقي نفسها بالسعوديه دبل سعرها طبعا قيمة شحن الكونتينر من هناك 2000 دولار
طبعا الايدي العاملة احسن شيء من الفلبين ناس تشتغل بضمير ولا تتعبك في التاخير ورواتبهم مناسبه حتكون ولا تنسي انك لسه راح تبدئي بسحلو انك تبغي سعوديات لاكن اتوقع لازم تكون الرواتب علية شوي عشان تحصليهم بسرعه وممكن في المستقبل اذا الله وفقك تشغلي سعوديات بس اهم شيء قبل لا تشتري اي شيء لازم تسالي وتعرفي الاسعار تمام عشان راح تفرق معاكي بالالوف وانصحك انك تسوي مشروع مصغر عشان تقدري تقيمي المشروع من كل النواحي وتشوفي السلبيات والايجابيات وتشوفي ايش ممكن تضيفي للمشروع الكبير اهم شيء لا تتسرعي طبعا لازم يكون في مبلغ احتياطي غير راس المال حق المشروع عشان في مصاريف حتكون ما حسبتيها ولازم يطلع شيءعشان انتي اول مره تبدي بالمشروع والله يزقنا ويرزق جميع المسلمين وان شاء الله يكون افدتك وان اصبت فمن الله وان اخطئة من نفسي والشيطان