أسمك مستخدم في السعوده الوهميه في احد الشركات

وبمى انهم حرموك من حافز وراح تنتظرين ثلاث شهور علشان تتاهلين وانتي لا حول ولا قوة لك

انضحك بهذي الطرق ، احتمال يكون لك من شهر لشهرين واسمك موجود بالشركه لا بارك الله فيهم

بامكانك تروحين للشركه اذا عرفتيها وتطالبينهم بالراتب حق الشهر او الشهرين لانهم اكيد مسجلينك

براتب وقدره بالتامينات الاجتماعيه ، ويعطونك المبلغ وينزلون اسمك اما في حاله رفضوا ، انصحك تروحين

( مكتب العمل ) وفيه لجنه هناك مختصه بالسعوده الوهميه وراح يعوضونك الشركه غصبآ عنهم

خصوصا انك تضررتي وحرموك من حافز ، اما مكتب التامينات راح يسقطون اسمك وهم بيتصرفون من حالهم

ويعاقبون الشركه بس انتي هنا ما استفدتي شي ، لذلك انصحك بمكتب العمل في حاله ما اعطوك رواتبك

المستحقه

واخيرآ بعد ثلاث شهور تقدرين تعيدين تقديم الطلب