اللي قبلي كفوو وفوو ماقصروا بالحكي ورفع المعنويات
لكن انا ابقولك شغله
ليه تركت الوظيفه !
لو تمهلت واستشرت من حولك كان ممكن تكون النتيجه افضل
مافيها شي لو اشتغلت حارس امن وتدرس انتساب جامعه
تضرب عصفورين بحجر
وبعدين الشغل ماهو عيب
حكي الناس يتعب ، ولو تسمع كلامهم ماراح تنتهي
طيب وحارس امن ، الاهم انك اشتغلت وشلت نفسك
وصرت مسؤول عن حالك
مصروفك بيدك .. بعكس اللي مصروفه بيد ابوه
وينحرج كل بين يومين يطلب ابوه او امه واحد اخوانه فلوس
واذا كنت حارس امن
كبار الشركات ارامكو وسابك وغيرها ،، حراس امن
وكبار بالعمر ، وبنوا انفسهم ، تزوجوا وزوجوا عيالهم
اسمع ي اخوي نصيحة مني
الناس ماتفيدك بشي وحتى لو مشيت ع هواهم
بيتكلمون .. يعني الناس بتحكي بك بالحالتين
ب اختصار
اذا ربي كتب لك وظيفه حتى لو حارس امن
وصرت بنفس الموقف مع الرجل والطفل
بكل عزه وفخر تقول ابشغل ماهوب عيب يكفي اني رجال
وشايل نفسي وما انتظر احد اسئله او يصرف علي
واذا توظفت وسمحت معك الظروف تدرس ، ادرس
منها تكسب شهاده ، وبنفس الوقت علم لك واجر
واذا ما درست .. اجمع الريال ع الريال
البس واكشخ وروح وتعال ع قدك
وبنفس الوقت اجمع
الريال اللي تلقاه اليوم ، ماتلقاه بكرا، والعكس
اجمع مالك وتصدق ،، ومن راتبك خذ منه لوالدتك
وشوي شوي جمعت مهر وتزوجت وتزين امورك
نصيحه في كل امورك لاتستعجل وفكر واستشير
لعلك تفكر من زاويه وغيرك لو فكر معك يكشف لك زوايا وامور كنت غافل عنها وتجهلها
الله يوفقك ويسخرلك
ويرزقك بالوظيفه اللي تسد حاجتك واكثر
وعذراً ع الاطاله
احترامي لك ..