السلام عليكم توي جاي من مدينة التدريب بالمدينة المنورة بقلكم وش صار معنا للي بكرة يروحون انا دايم اسمع انو مدن التدريب متشدهه لكن وربي وناسه وفله ويمزحوا ويضحكوا معنا المهم حضرنا 7 ونص ودخلنا 8 تقريبا وصفونا صفون وثم خلونا نمشي الى مركز القبول والتسجيل ما طلعنا الا الساعه 2 و 40 دقيقه المهم يحطونك بفصل ويبدون على الساعه تسعه او تسعه ونص يجي يقول من طوله فوق ال 175 وتروحون اي واحد طويييل راح يمشي حتى لو وزنه مو متناسق انا يوم رحت لهم قال خلاص هذا طويل بس هاته وزني ناقص 5 كيلو * كنا 47 واحد مافي احد محلق الا 2 يعني مو لازم تحلق * سبب تاخرنا للساعه 2 ظهر لانو نصهم مامعهم صور لان الرسالة جات اخر الليل وطلعنا رحنا نتصور + جلسنا ساعه ننتظر توقيع القائد مدري وش اسمه بكرة اذا موعدك جيب معك صورتين من الثانوية (وحده بالملف وحده خلها معك ) صورتين من الجامعه طبق الاصل (وحده بالملف وحده خلها معك ) لان بعد ماتخلص من المقابلة وتعطيهم الملف بيجيك ضابط بيقول لازم كل واحد يجيب صورة شهادة الجامعه والثانوي مصدقه واللي مامعه يجيبها اليوم الثاني لكن انا قلت لكم عشان تختصرون الوقت للناس البعيد لاتجيب الاصلية الضابط قلي منت صاحي جايب الاصلية كيف لو تضيع الاصلية تجيبها بعدين الموعد الثاني جيب معك 5 صور مكشوف الراس ملف الاخضر العلاق معرووووف لالالاززم هووو والا بيخلونك تروح تشتري وتحط فيه صورة الشهاده الثانوي والجامعه والهوية بعد ماتعدي من الطول تروح للمقابلة الشخصية يقلك وش تخصصك ويسالك سوال نفسك تخصصك عادي وبعدين في كتاب يقلك اقرا منه وبعدين يقلك اقرا ثلاث سور من القرآن وبعدها خلاص تروح تستلم الدفتر وتتوكل على الله .... المدرب قال لنا الدورة بتكون ست شهور تقريبا يقول احمدوا ربكم انكم بالمدينة مره متساهلين زي ماقلت لكم العدد 47 واللي عدوو 27 اللي ردوهم كلهم بسبب الطول ماردوا احد بالوزن وش باقيييييي ماقلته اممممممم اي سالته عن اللي كان موعدهم اليوم ولا قدروا يحضرون بسبب انو الرسالة جت متاخر قلي اروح اسألك النقيب وارد لك وسحب ولا عاد شفته لكن ماقالوا لان من جاته رسالة ولا شي الوضع عادي ويقولون اكيد بكرة ناس بتجي كان موعدها اليوم وهو جالس يعدنا اسمعه يقول المقبولين 171 مدري هل يقصد اليوم اللي موعدهم عددهم 171 او كلهم جميع الدفعات