السلام عليكم ورحمه الله وبركاته

كيف حالكم اخباركم

الرجاء عدم حذف الموضوع

الى كل من يبحث عن وظيفه رزق طيب وحلال وبعرق جبينه
اللي ماعنده شهاده او اللي ماحصل وظيفه او اللي ينتظر وظيفه معينه
فيه وظائف في شركات حفر ابار البترول (رقوق) المتعاقده مع ارامكو* ممكن الشغل فيه بعض من التعب بس فيه مميزات
طبعا الشغل اما يكون في بر او بحر حسب الشركه او حسب عقدك

طبعا البير يستغرق كم شهر ويخلص وينتقل العمل مباشره الى موقع ثاني

العمل يبيله صبر واستحمال جميع فصول السنه راح تجيك
تشتغل 12 ساعه وفيه بريكات وبعدها تريح 12 ساعه في الكامب

طبعا الشغل فيه غربه اما اسبوعين دوام اسبوع اجازه او اسبوعين دوام اسبوعين اجازه اما 28 يوم دوام 28 يوم اجازه اما 35 يوم دوام 35 يوم اجازه طبعا كل شركه ولها سياسه فتره الدوام ماهو بكيفك تحدد
طبعا كل شركه ورواتبها
ولو كان دوامك 28 او 35 الشهر اللي بتكون فيه اجازه ينزل لك الراتب طبعا بس موكامل وكل شركه وسياستها

اسمك راح يدخل فالتامينات الاجتماعيه
تقدم لك الشركات تامين صحي لك ولزوجتك واولادك
كورسات تقدمها لك الشركه كورس سيفتي كورس h2s كورس الفاير وكورس الشبر اللي اهو الهليكبتر اذا كنت بحر
توفر لك جميع مستلزمات الحمايه من سيفتي شوز والهلمت والكفرولات والخ
تتحمل الشركه نقلك من الشركه الى موقع العمل ونفس الشي الرجعه
جميع وجبات الاكل مجانا تقدمها لك الشركه طول فتره دوامك* مع غسيل ملابسك كل يوم طبعا السكن في برتبلات

شركات تطلب منك انجليزي بس عشان تمشي حالك وشركات لا طبعا ياما ناس بدت من الصفر في هالشركات ووصلت لمناصب

بعض سياسه ترقيات الشركات
ريستبوت ^ شيف ريستبوت ^ فلور مان ^ درق مان ^ مساعد حفار ^ حفار ^ نايت بشر ^ تول بيشر ^ وبعدها تتحول الى سوبر فايز على مكاتب في الشركه

ريستبوت* ^ فلور مان ^( درق مان او شيف ريستبوت) ^ مساعد حفار ^ حفار ^ نايت بشر ^ تول بيشر ^ وبعدها تتحول الى سوبر فايز على مكاتب في الشركه

وغيرها من سياسات نظام الترقيات فالشركات
طبعا لما تشتغل وتاخذ شهاده الخبره تستقبلك باقي الشركات وتدخل معاهم بحسب خبرتك وترقيتك

صحيح ممكن تتعب بس الاجازه تعوضك والراتب بين يدك
لاتخاف وقوي قلبك قدم وتوكل على الله وجرب داوم شهرين

طبعا مالي اي مصلحه من الموضوع غير حل لبعض العاطلين وانا واحد من الناس اشتغل في هالمجاال اغلب اللي يشتغلون سعوديين بس كل ماصار نقص جابو اجانب بسبب نقص السعوديين تعال انت ياولد البلد واشتغل

نصيحه اللي يبي يقدم لايرسل السيفي للشركه ويروح بنفسه
الشركات كثيره ومنها

العربيه للحفر adc
*اسبوعين دوام اسبوعين اجازه تقريبا رواتبها 6 وشوي

روان
28 دوام 28 اجازه تقريبا 9 الاف وانت تشتغل و 7 الاف الاجازه

سايبم
اسبوعين اسبوعين 5

وذرفورد
اسبوعين اسبوعين 5 ونص

شلف
اسبوعين اسبوعين 5 ونص

الصينيه
اسبوعين اسبوع او اسبوعين اسبوعين مو متاكد 4 ونص

الفرنسيه ( ناسي اسمها)
اسبوعين اسبوعين 6

سيدرل
اسبوعين اسبوعين 6

*نيبرس ،بول،
اسبوعين اسبوعين 6 الا شوي

وغيرهم الكثير من الشركات وطبعا جميع مقرات الشركات بالمنطقه الشرقيه اما بالظهران او الخبر او الدمام

تقدر تدخل النت وتبحث عن شركات حفر البترول والغاز وتطلع موقع الشركه وتروح تقدم بنفسك بلا تلفون بلا ترسل ايميل اسعى لنفسك برجولك

لاتقولون مافيه وظايف ابد

طبعا اسهل شركه تدخل فيها هي سايبم القبول فوري كل يوم احد واثنين صباحا الدوام اسبوعين اسبوعين راتب 5 صافي بدون شهاده يبون منك بس الاثبات تداوم اسبوعين وتنزل اجازه اسبوعين وتصرف 5 الاف حلوه