وعليكم السلام ورحمة الله وبركاته

حياك الله اخوي مجبور عليك .

سؤال هل انت مقتنع بكلام مروان تلودي والثانيه نسيت اسمها اللي كل شوي ناطين لنا

حققت وحققت . لكن سؤالي لك هل هم يحققون ارباح يوميا ؟؟؟ ام هي مجرد اعلانات ؟

ماهي تجارة الفوركس / الجواب تجارة العملات

ونصيحت اخ لك لا تنجرف ورى شي ماتفهم فيه . لان الفوركس صعب ويبي واحد رايق وفاهم تحليل مالي

وفني / بعض الاحيان اشوف بعض الاخوان شغالين بالفوركس وشارتات لكن احسه صعب جدا واحاول ابتعد

لكن اذا تبي تدخل هالتجاره -1- اسأل عن شرعيتها -2 تسلح بالعلم في هذا المجال -3 طبق ماتعلمت

اما الاندفاع وراى الاشاعات وانني حققت وربحت في يوم وتحلم بالثراء فهذا صعب واسواق المال مثلما فيها

ربح كذلك توجد خساره .


انا راح اغير فكرك شوي - وخليني اسيطر ع دماغك ههههههههههه افضل من تلودي



وكمان دلعتك حطيت اسمك ع الشارت ههه

ركز معاي اخي الكريم

هذا الشارت فاصل 10 دقايق لسوق الاسهم السعودي وبالتحديد سهم الشرقيه الزراعيه .

في يوم واحد حقق 10 ريال ومن ثم صار جني ارباح وعاود واخترق 88.50 ومن ثم صعد اليوم

لل 93

نفرض ان لديك رأس مال 50 الف ريال وشرية السهم 88

50 الف % 88 = 568 سهم

لديك 568 سهم وحطيت هدف انك تربح مثلأ 5 ريال

568ضرب 5 = 2840 ربحك اخصم منها عمولة البنك اللي هي 12 ريال لكل 10 الاف

تصبح عمولة البيع والشراء للبنك 120 ريال / 120 - 2840=2720 صافي لك

كيف الأمور معاك اخوي مجبور .

ابي اوصل لك فكره اخوي الغالي مجبور ولبقية الاحبه المتواجدين .

الحلم بالثراء وانني سوف اعمل ثروه خلال فتره بسيطه ومن هذا الكلام يبقى حلم . لكنه ممكن

ان يصبح حقيقه ان اجتهد الشخص وعرف كيف يرتب نفسه ويطيع ربه قبل كل شي وان يعمل

ويجتهد في ان يتعلم العلم . العلم ينير لك الطريق / تخيل شخصين يمشون في طريق مظلم

واحد لديه نور حتى لو خفيف والاخر ليس لديه نور تتوقع من الذي راح يمشي مسافه اكثر

بكل تأكيد الذي لديه نور حتى لو كان نوره خفيف . وليش ذكرة لك نور خفيف بكل بساطه

النور هو تعلم التحليل الفني او اي طريقة تناسب تجارتك كتحليل

ناس كثيره تقول وتقول سوقنا لا يمشي ع التحليل الفني تدري ما المشكله المشكله كل انسان

ونوره الذي يضيئ له - كل من كان متمرس كلما زادة الأضاءه - في محلل يجيبها بالملي

ومحلل نص ونص ومحلل فاشل لايجيد قرائة الشارت ويدعي ان علم التحليل الفني لا يصلح

انا ومروان تلودي في رأئيك الان . من اقنعك انا او مروان هو تكلم عملت وعملت لكنني اعتقد

بل اجزم انني اقنعتك بشارت . لكن اسألني سؤال هل دخلت ياترند هابط في السهم بكل امانه

لا - طار السهم وماانتبهت لكن مو مهم لكنني اريد اوصل لك شي يفيدك انت والاخوان

من السهل جدا انني ارسم لك شارت من الماضي واشرح لك عليه . بتقول هذا ملياردير

لكن وقت الشغل والسوق مفتوح يتغير الوضع كليا في رش وشراء وبيع لكن بالطبع توجد اشارات

لأتخاذ القرارات من اجل صفقات رابحه .

ربما انني شطحت شوي عن الموضوع . لكنني احببت ان افيدك واقول لك الكلام سهل والاعلانات
بسيطه لكن التطبيق ع ارض الواقع يختلف

تعلم العلم ولا تندفع - فلوسك انت اولى بها - شغلها بنفسك - ولا تجعل الاخرين يشغلونها

يتصلون فيك لانهم يريدون ان يربحوا منك لا اكثر ولا اقل

افتح لك محفظه بالبنك واشتغل انت من بيتك . واشتغل في الاسهم النقيه . وقبل هذا وذاك

تعلم العلم . وسوق الاسهم السعوديه بالاصل في موجه هابطه الان واحتمال تجزئة الاسهم

يعني لك سنه تتعلم فيها وبعدها راح ترجع ذكريات صعود 2006 لكن بعلمك

اسأل الله لك التوفيق