حبيبي من اسوء وانصب الشركات والانسحاب عندهم بالهبل

والعمل في مطار الملك خالد الجوازات صالات القدوم 1 و 2

اولا الرواتب ضعيفة وخاصة الراتب الاساسي وتداوم 6 ايام وتعطل 3 ايام

الاجازة الثلاثة ايام متغيرة وليست ثابتة مرة ببداية الاسبوع مرة بنص الاسبوع على حسب الجدول

الدوام 3 شفتات

الشفت الاول من 6 صباحا الى 2 ظهرا

الشفت الثاني من 2 الظهر الى 10 الليل

الشفت الثالث من 10 الليل الى 6 الصباح

يوجد وظيفتين مسؤول خدمة عملاء ومسؤول عمليات

بالنسبة لخدمة العملاء توقف على رجولك 8 ساعات تستقبل المسافرين من اول ماينزلون من الدرج وتوزعهم على المسارات على حسب تاشيراتهم

مسار التاشيرات الجديدة اول مرة ومسار تاشيرات الخروج والعودة ومسار الخليجيين

هذا الفريق الاول اما الفريق الثاني يستقبلهم بعد ماتوزعوا على المسارات ويرسلهم لكاونترات الجوازات

اما مسؤول العمليات زيه زي موظف الجوازات يشتغل على الكاونتر وسيستم الجوازات ومعه ختم ولكن راتبه اقل طبعا من عسكري الجوازات بكثير واي غلطة تغلطها بتروح بدهية لانها مسؤولية

طبعا يحاسبونك على التاخير بالدقيقة وبريك محدد مافي واغلب الوقت مافي بريك وممنوع تاخذ شاهي ولا قهوة الا اذا جا بريك ربع ساعة لحق عمرك

الانقلش اختبارهم تافه وماله داعي اصلا بس فلسفة منهم

انا وقعت على راتب وكملت معهم شهرين ولما جا الشهر الثالث نقصوا 800 ريال ولما تراجع الادارة ماحد يعطيك وجه

بعد المضاربة والحوسة قالوا اسفين عرضك الوظيفي هذاك غلط وهذا راتبك الجديد ناقص 800 تبي ولا كيفك

فوقها المشرفين حقين الشركة مسوين فيها وفلسفة على راسك غير موظفين الجوازات تاكل التهزيئ من الجهتين

ومن تجربتي مانصح فيها ودايم يعطون وعود كاذبة حتى في شباب كملوا سنة فيها من اخوياي على اساس بتجيهم زيادة سنوية

وفي الاخير الزيادة طلعت 80 ريال واعلى واحد اخذ 200 ريال هذا وانت تكرف كرف

واذا مامشيت على مزاجهم بالحرف طاحوا فيك افادات

اسف على الاطالة واتمنى اكون كفيت ووفيت