ضروري آقسى على قلبي واعيش امحروم
وأودعك .. والوداع اصعب ظروف الحياه
ضروري انساك وأبعد عنك وأقفي وأشوم
والا انت .. لولا مقاديرك ماعنّك غناه
ماني ب ( جافيك ) كره .. ولا معرّضك لوم
ألّوم وقتٍ على فرقاك دارت رحاه
دمعتك هذي لها فاقصى ضلوعي علوم
اسطى من السيف واثقل من جبال السراه
لاااا اشوفها .. والخطا مانيب عنه معصوم
لكّن طالبك تمسحها ب ( كّم ) العباه
لاتكّمل اللي بقى / ماني بناقص هموم
دربٍ جمعنا سوى .. وصل بنا منتهاه
والهاجس اللي على فراش الجروح مخدوم
اطيح دونه وانا كل امنياتي وراه
والله يالولاك مالي فالمحبه لزوم
يا أعز مخلوق فوق الارض تمشي اخطاه
قصايدي فيك خلتني مابين النجوم-
حتى تميّزت عن غيري بخط اتجاه
الله يحللّك ماهب الصبا كل يوم
قنعت !! بأن البنادم مايحقق مناه
شفني خسرتك .. ولكن مارجعت مهزوم
يكفيني اني تجاوزت ألفت الانتباه
قلبٍ عرف ويش معني الحب ..! حلال قوم
لو أسعد الله صباحه .. ما أسعد الله مساه
احترامي لارواحكم الجميله 
