اقتباس:
المشاركة الأصلية كتبت بواسطة غلا دنياي
الله يسعدك ماقصرت كفيت ووفيت الله يعطيك كل ماتتمنى واكثر ...
تحمل اسئلتي
1- ايش موضوع الدعم اللي لمدة سنتين فقط .؟ انا موظفه لي سنه ماعرف هالنقطهه ..
2-هل في سلم مخصص للرواتب للموظفين بصندوق الموارد ؟ ع النت
يعني مثﻻ اللي معه بكالوريوس خريج جديد كم بيكون راتبه تقريبي ..
والله متردده جدا في حال قبلتها اخاف تروح فرصتي من التعيين كمدرسة او اداريه بحكم انها حكوميه..
سؤال اخير /ساعات العمل فيها شفتات واﻻ شفت ثابت .. وكيف طبيعة العمل للنساء يكون مثل التفتيش على المشاغل والمحلات والشركات واﻻ نظام بنفس الموارد يتم العمل عليه ..
|
حياك الله : غلا دنياي
س/ ايش موضوع الدعم اللي لمدة سنتين فقط .؟ انا موظفه لي سنه ماعرف هالنقطهه ..
ج: الدعم هو للشركات مساعده من صندوق الموارد البشرية للشركة بنص راتب الموظف لمدة سنتين والموظف له مكأفات اذا كمل سنة او سنتين . / اذا حابة تتأكدين هل انتي مدعومه او لا اتصلي علي 920000713 وراح يفيدونك .
س/ هل في سلم مخصص للرواتب للموظفين بصندوق الموارد ؟
ج: اذا قصدك بسلم الرواتب في نفس الصندوق ؟؟ اكيد فيه لان يعتبر موظف حكومي ، اما اذا قصدك في الشركات تكون على حسب نظام مكتب العمل سواء يكون ترقيات سنوية او زيادة في الراتب كل سنة .
س/ ساعات العمل فيها شفتات واﻻ شفت ثابت .. وكيف طبيعة العمل للنساء يكون مثل التفتيش على المشاغل والمحلات والشركات واﻻ نظام بنفس الموارد يتم العمل عليه ؟
ج: ساعات العمل تحدد من قبل مكتب العمل فهي محددة 8 ساعات وان كان اكثر من 8 ساعات تحسب اوف تايم .
اما بخصوص هل شفتات او شفت ثابت ذا يكون من قبل الشركة هي اللي تحدده .
ملاحظة :
وظايف قطاع الخاصة مالها علاقة بالوظايف الحكومية ابداً .
ف اذا انتي الان غير متوظفة ؟؟ توظفي في القطاع الخاص واذا الله وفقك في القطاع الحكومي استقيلي من الخاص .
فقط اكسبي خبرة من القطاع الخاص
بالتوفيق ان شاء الله
واعتذر عن تأخر الرد