قيادات الوطن مكتب توظيف باغين يلعبون علي بتدريب اقل من اسبوع ب١٥٠٠ريال والشهادة معتمدة فقط من عندهم يعني وهمية
يعني طالب العمل ماعنده الا طلبة الله تجون تاخذون منه مبلغ ينفعه في تدريب معتمد عن غيركم ؟
في الاخير الوظيفة حتى ميب مضمونة والمديرة كانت رافضة تكلمني تخلي موظفاتها المبزرة يتكلمون عنها وكل شوي حكي شكل
نفس هالمكتب شفتهم في جامعة الامام يوم المهنة ورفضوا ياخذون سيرتي بحجة انهم اكتفوا
طيب وش جايبكم دامكم مكتفين او ديكور زيادة على نصبكم
ومكتب توظيف ثاني اسمه المؤهلين المحترفين
كاتبين في موقعهم ان التوظيف مجاني تروحين لهم في قلعة وادرين تقول لك ان فيه رسوم ٢٠٠ريال
كنت ابغى وظيفة جاية عشانها ورفضت حتى ترفع اسمي للشركة
تحيلت علي من زود الحسد وجلست تقول لي انا راتبي قليل ومن هالكلام اللي يوضح انها حسودة ظاهريا والله اعلم بنيتها
مكاتب التوظيف طفيليات تسترزق على حاجة الناس للعمل
انتبهوا منهم اي تدريب موب معتمد من المؤسسة العامة لا تاخذونه
بيقولون انه معتمد من عندهم يحطونه في موية ويشربونه
كلام مختلف في الموقع عن كلامهم قدامك اعرف انهم كذابين
ورواتبهم على الفلوس اللي ياخذونها من الناس
روحوا لطاقات مكتب حكومي ماياخذ رسوم للتوظيف
وابحثوا عن وظيفة بانفسكم لا تعينون وسيط بينكم
ادري ان فيه ناس كثير توظفوا عن طريق شركات توظيف
بس موب اللي يضبط مع غيرك ممكن يضبط معك
يفضل تاخذ خبرة في البحث عن وظيفة بنفسك واجراء مقابلات
كذا بتكون تعرف الاجراءات والشركات والقوانين
اذا لك قدرة تروح وتجي
اذا مالك قدرة عندك ايميلات الشركات والتلفون والله يوفقك