اقتباس:
المشاركة الأصلية كتبت بواسطة خالد نهار الحربي
(((((((((( أنا من الدوادمي))))))))))) اخوي انت رحت لهم وش هي التحاليل اللي يفحصونك فيه وش الأسئلة هل البس لَبْس رياضي وين مكان الدورة هل هناك شقق قريبة من مكان الدورة هل اتعين مباشرة بعد المقابلة وكم مدة الدورة وكم عدد المقبولين وش طبيعة العمل معي ثانوية عامة ادبي
|
اذا انت من سكان الدوادمي خشها تحصل تعين في الدوادمي
البس ثوب افضل البدله عن المقابله الشخصيه يقروشونك عليها اول ماتجي
المقابله اكثر اسئلتهم تدخن تحشش تشرب. فيك مرض نفسي عالجت اول كذا
اول ماتجيهم
تعطيهم اوراقك الشهاده والبطاقه تتنتظر شوي يشوفون ااطول والوزن بعدها تروح. للتحاليل ياخذون عينه من البول وانت بكرامه بعدها ترجع لي صاله الانتظار يشوفون اوراقك بعدها تخش ع المقابله الشخصيه بعدها التدقيق. تخلص اوراقك
يعطونك ورقه مستشفى تتصل ع العسكري تحدد موعد للكشف الطبي
الكشف الطبي سهالات. فحص دقات القلب والاذن والاسنان ويشوفون جسمك فيه عمليات ولا لا بعدها النظر. والدم وبعد اسبوع تستلم نتيجت الفحص
الدوره في وادي الدواسر
مده الدوره 3 شهور واحتمال الدوره في شهر 1
بعد ماتودي اوراقك تخلصها تنتظر شهر او اقل حسب الاماكن الشاغره انا كنت مقدم تقنيه. كان معي تقريبا 47 طالب
طبيعه العمل ماجربتها حت اللي جربها ماراح يقول لك. لانها طبيعه العمل سريه
وتقسم انك ماتتكلم عن طبيعه العمل ابددد