السلام عليكم ورحمة الله وبركاته

يا جماعة ما يصير كذا مية هاشتاق عشان نشكي معناتنا

مفروض نتوحد على هشتاق واحد، عشان يوصل للترند ويوصل صوتنا

نبغى أحد عنده متابعين كثير
يسوي هاشتاق بحيث انه يشمل جميع مشاكلنا:
يعني الآن مشاكلنا هي:
خريجات قديمات عاطلات
غربة
ممنوعين من النقل
السماح بالتقاعد المبكر (وخلونا نبتعد عن الألفاظ المزعجة، مثل: اجبار القديمات على التقاعد، لفظ اجبار فيه تنفير عند بعض الناس فما راح يشاركونا)
حوادث
بدل مواصلات وسكن
الراتب يروح في قطات عشان أمور المدرسة وهي من واجبات المدرسة

لو طالعنا في هذي المشاكل ايش أكثر وحدة بتخلي المجتمع بشكل عام يتفاعل معانا

هي الحوادث

فلو سوينا هاشتاق
مثلا (المعلمين والمعلمات يستصطرخون من كثرة الحوادث)
أو عبارة أفضل من كذا

وكلنا اجتمعنا فيه، ممكن يأثر

التفاتهم للحوادث، معناته
1- عدم التعيين في مناطق بعيدة جدا، تجنبا للحوادث.
2- حركة نقل مستمرة، انقاذ للناس الساكنين بعيد، من الحوداث.
3- حركة النقل تؤدي الى تعيين الخريجات القديمات.
4- دقة في تحديد المناطق اللي يكتبون الاحتياج فيها.
5- والأهم من هذا كله حل معناة الأسر اللي كل يوم نسمع ان وحدة
منهم فقدت ابن أو بنت، حسبنا الله ونعم الوكيل.

هاتوا رأيكم في هذا الكلام، واقتراحاتكم.
واقتراحاكم في اسم الهاشتاق