اقتباس:
المشاركة الأصلية كتبت بواسطة أذكر الله كثيراً
أخوي سم المعادي أذا أنت رحت الرياض الثلاثاء حاول تدخل على الوزير وتكلمه بالموضوع ، قوله الواسطة لعبه فيالوظائف هذه لعب ، لازم يكون نظام مثل جدارة ، ساعد بنظامه الحالي يمكن تجاوزه عن طريق الواسطة والمحسوبية
وبخصوص كلامك أننا نجتمع ونروح الوزير ،، كيف وأحنا كل واحد بمنطقة ،،
والله الموفق
|
اهلين يااخواني جبت لكم بشاره تزف لنا بصيص من الامل اليوم رحت لفرع الخدمه ببريده وقالي المدير انهم ارسلو خطابات لجميع الدوائر الحكومية بالمملكه كلها اذا عندهم وظائف يدقون ع اللي مسجلين بساعد ويسوون معهم مقابله وع طول يوظفونهم وطلبوا الافاده بعد وخلوا جوالاتكم فاتحه خصوصاً الصبح وهذا مو معناته نسكت لا لازم نروح للوزير وبخصوص اخوي استفسارك ان كل واحد من منطقه كلها يوم نتفق انا نكون باليوم الفلاني بالرياض والساعه الفلانيه بوزاره الخدمه المدنيه وانتهت السالفه بس يعني مو نروح كذا لا لازم معروض ويوضح فيه طلبنا وبعد نطالبه باستحداث وظايف او رفع الوظايف المجمده لاني كل مارحت لدائره حكومية قالوا نبي موظفين بس موقف التوظيف ومن هالقبيل ع كلاً انا باذن الله ارد لكم بكره وش يصير معي بوزاره الخدمه المدنيه وبستفسر عن كل شي وخصوصاص متى استقبال الوزير للمواطنين لان الوزير يستقبل مواطنين والله اليوم ريحني كلام مدير فرع الخدمه ببريده واعتذر ع التاخير بالرد لاني رجعت من بريده متاخر ونمت